雅虎香港新聞 第41屆香港電影金像獎提名名單 《正義迴廊》16項提名 呂爵安柳應廷爭新演員獎獨欠姜濤
第41屆香港電影金像獎今日公布提名名單，其中《正義迴廊》獲得16項提名成為本屆之冠，而《神探大戰》、《飯戲攻心》及《明日戰記》亦各有11項提名。近期成為熱話嘅《給十九歲的我》有份角逐最佳電影及最佳導演，但參與電影製作嘅英華女學校剛剛宣布放棄最佳電影提名。
演員獎項方面，早前獲香港電影評論學會大獎最佳男、女演員嘅張繼聰同鄭秀文，都分別入圍金像獎最佳男、女主角。影帝之爭方面，劉青雲將會面對4位香港演藝學院畢業嘅男演員，當中《正義迴廊》嘅麥沛東同楊偉倫雙雙入圍，另一位候選人就係黃秋生。
將會同Sammi角逐影后嘅仲有喺《窄路微塵》令人刮目相看嘅袁澧林、《正義迴廊》演大狀嘅蘇玉華，以及2位影后級人馬毛舜筠同張艾嘉。
去年多位MIRROR成員投入影圈，令今年新演員獎競爭更為矚目。喺《阿媽有咗第二個》擔正嘅姜濤意外地未能入圍，反而同片嘅MIRROR隊友柳應廷（Jer)就獲提名。另一鏡仔呂爵安(Edan)更加憑《闔家辣》同《過時．過節》雙雙競逐最佳新演員。但姜濤為《阿媽有咗第二個》主唱嘅《風雨不改》就獲提名最佳原創電影歌曲，相信到時姜濤有機會上台演唱呢首歌。
第41屆香港電影金像獎部份提名名單
最佳電影
給十九歲的我
神探大戰
窄路微塵
正義迴廊
明日戰記
最佳導演
何爵天 － 正義迴廊
林森 － 窄路微塵
張婉婷 郭偉倫 － 給十九歲的我
韋家輝 － 神探大戰
陳詠燊 － 飯戲攻心
最佳男主角
張繼聰 － 窄路微塵
麥沛東 － 正義迴廊
楊偉倫 － 正義迴廊
黃秋生 － 白日青春
劉青雲 － 神探大戰
最佳女主角
鄭秀文 － 流水落花
袁澧林 － 窄路微塵
蘇玉華 － 正義迴廊
毛舜筠 － 阿媽有咗第二個
張艾嘉 － 燈火闌珊
最佳男配角
林海峰－ 正義迴廊
羅永昌 － 阿媽有咗第二個
許冠文 － 風再起時
張繼聰 － 飯戲攻心
陳湛文 － 飯戲攻心
最佳女配角
蝦頭 － 正義迴廊
歐嘉雯 － 窄路微塵
王菀之 － 飯戲攻心
林明禎 － 飯戲攻心
余香凝 － 緣路山旮旯
最佳新演員
林諾 － 白日青春
柳應廷－ 阿媽有咗第二個
呂爵安 － 過時．過節
周漢寧 － 燈火闌珊
呂爵安 － 闔家辣
最佳原創電影歌曲
活誰的命－正義迴廊（主唱︰洪嘉豪）
明日之明日－明日戰記（主唱︰ANSONBEAN / WINKA@COLLAR）
風雨不改 － 阿媽有咗第二個（主唱︰姜濤）
這樣活了一天 － 流水落花（主唱︰鄭秀文）
狠愛狠愛你 － 飯戲攻心（主唱︰王菀之）
更多電影文章
電影LOL 今期睇咩戲︳巴比倫／24小時救參行動／絕地迫降／倒轉人生／敲敲門
電影LOL︳Marvel《神奇四俠》落實開工日期 主角人選今年揭曉
電影LOL︳《奪命狂呼》翻炒收得 輪到《舊年暑假搞乜鬼》拍新版
電影LOL︳Marvel宣傳《蟻俠》新片識玩！戲中爆料新書真係有得賣
電影LOL︳James Gunn公布DC宇宙藍圖 《超人》打頭陣2025年暑假有得睇
電影LOL︳內地賀歲檔張藝謀《滿江紅》反勝劉德華《流浪地球2》《無名》靠口碑抗跌王一博唔駛揹鑊
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
