等到花兒也謝了

【星島日報報道】服務香港青年協會四十二年、做總幹事做足三十七年的王 鳴,終於宣布退休了。不過,似乎「王 鳴文化」並不會從此淡出青協,因為,佢將以不受薪形式,繼續做「高級顧問」(咦,咁即係點呢?是否有點垂簾聽政味道 !)。 小弟上世紀八十年代開始認識王 鳴,曾替佢做個人訪問,亦多番合作搞年輕人活動。當時,Rosanna形象清純,溫文爾雅,迷倒大量男性,若非經已結婚,肯定排長龍追求。及後,佢開始進入政府權力核心,政途似坐直升機,犀利,由立法局議員變行政局議員,再由普通議員「升」為非官守召集人,即「一姐」也,江湖地位非比尋常,受政府高度信任,出任N項重要公職,包括策劃全港公屋發展的房屋委員會主席。更勁,打入回歸前 豐集團董事局,躋身非執董。 那陣子,我已非常好奇,為乜佢 咁多重飛,已攀上香港權力最高峰,但仍要繼續做青協會總幹事呢?因為,佢坐住個位,等於「阿二」冇得升。其實,以Rosanna咁鬼叻之人,理應早早栽培接班人,做任何位三、五年就交棒,自己另覓更高層次責任啦。點知,唔係,一年又一年,我去親青協開會都係佢做總幹事。到我下手再下手代表去開會 ,哈,仍然係Rosanna坐同一個位,於是,上世紀八十年代開始,凡做青協副總幹事的,皆升職無望,位位等 一年,等 又一年,等到「花兒也謝了」,仍然冇機會。究竟,點解王 鳴如此眷戀青協總幹事位置呢?真的是一個謎。 結果,搞到六十幾歲仍然執掌青年工作,令人 頭。花甲 ,為乜仍在搞青年工作呢?終於,到六十五歲才讓個位出 ,不過,竟繼續做「高級顧問」,點解呢?肯定,Rosanna與青協已渾成一體,不能分割的了。那麼,下任總幹事會否真是「總幹事」呢? 曾智華 阿碌 開咪 專欄