箍煲唔成 5年情玩完?Jer柳應廷取消關注女友社交網

·1 分鐘文章

MIRROR成員Jer柳應廷同文青女友Kelly拍拖5年,早排傳出佢地感情有變, 有人發現Kelly喺社交平台Instagram取消關注Jer嘅戶口,又post出關於多角關係嘅日文歌MV﹐惹來對佢地關係嘅猜測。後來Jer見記者時承認同女友嗌交,強調只係普通鬧交冷戰,早前因為籌備音樂會等工作而無時間陪女友,希望外界俾時間佢地。

Jer女友Kelly
Jer女友Kelly

不過事隔個幾禮拜,有傳媒發現Jer都取消關注Kelly嘅IG戶口。唔少圈中情侶分手都會喺社交平台上「斷交」,Jer同 Kelly而家咁嘅情況似乎唔多樂觀。就連其他MIRROR隊友都冇關注Kelly,掟煲傳聞更加似層層。

箍煲唔成 5年情玩完?Jer柳應廷取消關注女友社交網
箍煲唔成 5年情玩完?Jer柳應廷取消關注女友社交網

至於佢地嘅IG 都將同對方有關嘅post剷得七七八八,阿Jer就仲留低3年前參加《造星》時感謝Kelly嘅帖文。唔少Fans希望倆小口子會雨過天晴,亦有人懷疑佢地只係轉為地下情喎。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能