粉絲強吻「楊冪」全城狂轟 「楊洋」慘遭女粉解衫鈕

·1 分鐘文章
粉絲強吻「楊冪」全城狂轟 「楊洋」慘遭女粉解衫鈕
粉絲強吻「楊冪」全城狂轟 「楊洋」慘遭女粉解衫鈕

大陸花旦楊冪一直都係大眾女神,櫻桃小嘴配水汪汪大眼,唔少粉絲都想一睹伊人風采,不過楊冪長期飛嚟飛去工作,粉絲想追星都難,折衷嘅方法可以去蠟像館「睹物思人」,不過近日有位男子佢就對楊冪嘅蠟像做出不當嘅猥瑣行為,片段即在網上瘋傳!

影片中男子面對以《三生三世十里桃花》劇中扮相嘅楊冪蠟像,竟然嘟嘴湊近「楊冪」側臉,作勢要咀落去,畫面即引起公憤,大批粉絲痛批男子「太惡心」!

粉絲強吻楊冪,畫面令人震驚!
粉絲強吻楊冪,畫面令人震驚!

唔好以為女明星嘅蠟像會被人「騷擾」,大陸小鮮肉男星楊洋亦曾遭殃,曾經有位女網紅同佢個蠟像合照時,從後方撫摸蠟像胸膛,另一手環抱佢,其中1隻手更滑落西裝外套入面,並靠近「敏感部位」解開西裝鈕,場面令人咋舌。另亦曾有粉絲着婚紗向楊洋蠟像求婚。

男明星都一樣被「騷擾」!
男明星都一樣被「騷擾」!
女網紅伸手入楊洋蠟像嘅西裝外套入面…
女網紅伸手入楊洋蠟像嘅西裝外套入面…