粗口女王揭秘!清純歐陽娜娜原來係臭四?

·3 分鐘文章
粗口女王揭秘!清純歐陽娜娜原來係臭四?
粗口女王揭秘!清純歐陽娜娜原來係臭四?

最近有內地娛樂圈幕後工作人員大數圈中嘅「粗口女王」,榜上有名者除有近期負面新聞纏身嘅鄭爽、有話直說嘅那英、有捲入逃稅風波嘅范冰冰外,最令人感意外係,連今年只得21歲,被譽為天才大提琴家嘅歐陽娜娜都有份,至於4位現任及過氣女神係咪如傳聞中咁「粗口爛舌」,就信不信由你喇!

有爆料幕後人話,曾經同「清純有仙氣」嘅歐陽娜娜合作過,佢話娜娜外表係個好有修養嘅可愛小天使,不過私底下佢係不折不扣嘅「臭四」,話佢當身邊嘅工作人員,尤其當小助理係「出氣袋」,嗰位幕後人仲爆Seed話:「娜娜脾氣差,是屬於有機心的女孩,她曾因工作不順利,或者是在舞台上表現不好,受到網友負評,就會將怨氣發洩到身邊工作人員身上,說話很粗魯,跟台上的她很不一樣。」亦因為佢嘅小姐脾氣,之前合作嘅工作人員相繼離職。

歐陽娜娜原來係臭四!
歐陽娜娜原來係臭四!

而另一位就係捲入搵代母借肚生B兼棄養仔女風波嘅「前女神」鄭爽,爆料者數佢外表係單純又活潑嘅可人兒,不過私下都係說話粗俗,笑佢係真「偽人」:「她前度張恒公開了她的錄音,錄音中她經常說髒話,其實她不是只在激動時才如此,私下也是這樣跟人說話。」

鄭爽被指係「偽人」。
鄭爽被指係「偽人」。

第3位則係內地「大姐大」那英,據爆料者稱雖然佢真係好爛口,但勝在從不「偽裝」,真正係女漢子,除咗喺鏡頭前或開演唱會先會收斂,同工作人員溝通都會加「助語詞」,不過佢並無惡意,所以身邊人早已習慣,但有傳有次喺記者會被問同富商傳緋聞時,阿姐佢非常唔like,同傳媒講:「傳聞很無聊。」但當傳媒離場後,就背住人鬧人係「傻X」!

那英做番自己!
那英做番自己!

第4位則傳係有「范爺」之稱嘅范冰冰,話有次佢同雜誌做訪問,回顧佢辛苦經營嘅演藝事業,有記者問佢成名路上夾雜大堆負面新聞,佢就寸嘴話:「如果你的工作做得出成績,别人看到你對這行業的誠意,那就可以告訴大家說,這些新聞都是屁。」不過相比起嗰啲「出口成文」嘅女星,冰冰講「屎尿屁」都算係斯文人!

范冰冰都係講吓屎尿屁!
范冰冰都係講吓屎尿屁!
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能