雅虎香港新聞 【紅磡美食】80後疫市死場開舖賣$16可樂餅 良心店主：同事要養家保住份工
抗疫餐飲辣招令大小餐廳水深火熱，視員工為資產的良心店主不免陷入兩難之中，眼見生意額一日比一日低，做盡措施自救但成效不大，不得不計數節省成本，但又想保留出生入死又幫得手的員工。紅磡一間開業3個月的日式食店，店主在疫情下冒險開店，部份原因就是為了「希望夥計多一個出路，因為如果只得一間舖頭，發展空間好有限。」
【立即讚好】全新 Yahoo Food Facebook 專頁
死場開店 與同事共坐一條船
餐廳「花火和食」地點隔涉，位於土瓜灣及紅磡中間的商場「環海東岸」，除了附近居民，應該沒太多區外人有聽過。店主Sean不諱言該地點是個死場：「剛搬進來時整個場地空空如也，只得1間餐廳，附近只有少量民宅，商業大廈也不算多。幸好租金也相對地調低了，計過數，所以決定一試。」Sean今年才31歲，已經有一間開了6年的咖啡店，承包了2間政府場地餐廳。
因為疫情，政府場地近月不時要關閉，在完全零生意的情況下，反而令他有再發展的想法：「做了多年餐飲生意，儲了一班得力同事，今次疫情凸顯到作為小店的被動，我希望同事都覺得公司有發展空間，所以便膽粗粗在這新商場開店，令我哋人手調配上更靈活。」他說，像現時，新餐廳就吸納了大部份同事。「唔少同事都有家室，呢個時勢大家都想保住份工。早排眼見生意唔好，有同事就主動提出停薪留職，大家真係坐埋一條船。」
第4波 生意跌剩4成
第4波殺到，新餐廳生意下跌逾半，Sean坦言是意料中事：「一直都有推廣網上團購，跨區外賣優惠。但市民唔出街食飯，在家工作不去餐廳，做咩都好有限，一定要等疫情退卻。」其實在第4波來臨前，餐廳生意一直穩步上揚，靠的就是其親民價錢和食。
不過礙於廚房限制，這裡不少食材都不是自製，卻不等如沒心機。先說款式，大路的丼飯，配豬扒、豬扒、炸物及鰻魚；還有定食，配炸雞、雞扒、鯖魚及和牛粒等，也有烏冬拉麵餐，絕對可以一止和食癮。
必食鬆脆可樂餅
鰻魚飯足料香甜，不過必食的卻是一款由北海道製的「可樂餅」，共5款口味：南瓜、牛肉、紫薯甘栗、芝士及洋蔥，外層炸漿薄薄的，內裡爆餡，炸得香脆不膩。還有一款「地獄湯底拉麵」，Sean說湯底花了不少功夫才得出現時版本，在辣度及濃度中取平衡。最終用了日式地獄汁及中華麻辣汁調成，前者添辣，後者添麻，$52一碗配上4隻特大型餃子，快餐店價錢卻吃到小店心機，值得支持。
全新訂座平台「Yahoo訂餐廳×Openrice」正式上線！
花火和食
地址： 紅磡崇安街23號環海東岸商場1樓17號舖(地圖按此)
電話：28082880
更多紅磡美食推介
【紅磡美食】40年歷史茶餐廳開副線 必試生炸雞髀/一口西多/秘製魚滑
【紅磡美食】工廠區覓食：前咖啡師改行賣餃子？最強辣菜脯餃誕生
【紅磡美食】鰻魚飯比拼實測！三河屋/德美/尾張屋 邊間係鰻魚飯之霸？
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！
