紐約地鐵出名複雜?官方推出實時地圖從此無難度

講起世界各大城市嘅地鐵體系,但要數當中最複雜嘅不外乎東京及紐約。其中紐約更多度被選為「全球最複雜城市交通系統」,同時亦係全球最古老嘅地下鐵路運輸系統之一,極具代表性。其複雜程度莫講話一般遊客,就算當地居民坐車,要轉線或者接駁其他路線時都一樣會考起。

近日紐約市運輸局就推出全新實時在線地圖,於網站或直接下載APP都有,乘客可以即時睇到每一班列車實際位置及到達時間,即係話可以於起行前就確定好轉車時會唔會趕得切坐上另一路線列車,亦同時具備Weekday及Weekend不同日子嘅班次變化(無錯,因為紐約地鐵同一條線於周末及平日係有唔同停站,問你死未?)不過亦有人話呢個實時系統使用方法十分複雜,好多對科技唔太認識嘅人士根本用唔到,但點都好,總算踏出第一步啦。

紐約市運輸局就推出全新實時在線地圖。 (圖:紐約市運輸局)
紐約市運輸局就推出全新實時在線地圖。 (圖:紐約市運輸局)
紐約地鐵更多度被選為「全球最複雜城市交通系統」。 (圖:Luftschlange@Youtube)
紐約地鐵更多度被選為「全球最複雜城市交通系統」。 (圖:Luftschlange@Youtube)
紐約地鐵同一條線於周末及平日係有唔同停站,非常複雜。 (圖:紐約市運輸局)
紐約地鐵同一條線於周末及平日係有唔同停站,非常複雜。 (圖:紐約市運輸局)

相關文章:

日本旅遊日本-5-個本地人常去的海鮮市場-松葉蟹丼河豚料理自選丼飯

國泰削-8500-職位-港龍即日停運-行政總裁強調集團現金健全對航空業未來充滿信心

姆明-75-週年慈善義賣-買一隻即捐贈一隻予有需要兒童