純情初戀 點到即止 同湯洛雯親熱 馬德鐘嫌唔浪漫

·2 分鐘文章
湯洛雯不敢承認老竇型過男友。
湯洛雯不敢承認老竇型過男友。

藝人湯洛雯(靚湯)與馬德鐘在新劇飾演一對初戀情人,日前兩人拍外景時透露已拍畢一場浪漫接吻戲,不過過程並不浪漫,亦無初戀Feel。提到靚湯早前在網上晒出父親年輕照,被網民讚型過其男友馬國明,她力撐各有風格無從比較。

湯洛雯與馬德鐘日前為新劇《雙生陌生人》在打鼓嶺的農場拍攝一場擁抱戲,劇中飾演情人的他們透露親熱戲不多,符合純情的初戀,日前拍攝的一場接吻戲,也只是蜻蜓點水式,靚湯說:「場戲喺船上拍,當日打風以為拍唔到,但最後天公作美,仲拍到好靚嘅剪影,超額完成,拍出嚟好浪漫。」問到有否勾起初戀回憶?兩人異口同聲說沒有,馬德鐘解釋:「因為隻船不斷搖,拍攝時一啲都唔浪漫。」

動作戲多 考驗體力

今次馬德鐘在劇中一人分飾兩角,有時也會演到混淆,並首次自己跟自己做對手戲。由於拍攝密度高,不免憔悴了不少:「以前拍劇都會有少少時間去健身同去美容院,但今次真係冇,只可以每晚自己敷臉膜。」劇中他還有出海打魚、飛車衝落海及吊威吔的場口,頗考驗體力。

父親與男友 難比較

另外,日前靚湯在社交網晒出父親湯鎮宗年輕時的靚仔相,她稱沒想過網民會指爸爸是金城武與郭富城混合體:「我唔覺得似。(再靚仔啲?)自己爹哋當然最靚仔。(網民話型過馬國明?)大家唔同風格,而且嗰個年代同依家年代唔同,好難比較。」

於農場拍攝擁抱戲,畫面老幼咸宜。
於農場拍攝擁抱戲,畫面老幼咸宜。
近日天氣酷熱,幸好可以坐在樹蔭下乘涼。
近日天氣酷熱,幸好可以坐在樹蔭下乘涼。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能