查看相片
你以為香港屋細先至咁多鄰里糾紛？哈哈。
澳洲珀斯市郊有位素食女子Cilla Carden，喺後院聞到隔離屋燒嘢食，
仲要係燒魚燒肉嘅味。
即使亞裔鄰居已經將光金移開，Cilla都係要行動升級︰
佢向市政府審裁處申請禁制令，但係被拒。
於是，佢再向省府最高法院申請上訴，結果都係敗訴？
點解咁堅持？因為Cilla認為鄰居故意令燒烤味道飄去佢嗰邊。
而Cilla唔止投訴呢樣架，鄰居細路打籃球嘅聲、煙味，
都令佢好辛苦，瞓唔到呀。
查看相片
而鄰居Vu先生就話，已經唔俾細路玩波，燒烤爐又搬埋，都係想大家和氣啫。
不過另一位鄰居透露，Cilla投訴多多，又唔合理，
好多人地屋企可以做嘅事，佢都要干預。
件事上咗新聞，有人撐話氣味真係可以好騷擾到人。
亦有人鬧爆Cilla，認為小朋友喺屋企玩天經地義，咁唔鍾意就唔該住遠啲。
所以呢，你以為間屋大咗就冇事？
咪又係睇彩數！
