細菌真係補品?專家︰過份衛生或引發幼兒白血病

19+

而家啲家長出街,個袋一定有濕紙巾消毒潔手液。

講究衛生好正常,但係原來無菌嘅環境,

對小朋友健康未必100%有好處。

 

研究兒童白血病多年嘅英國學者Mel Greaves教授,

最近開始研究以一種類似乳酪嘅飲品,俾小朋友飲用,預防呢種頑疾。

兒童白血病比率由1950年代,每2000人當中有1個患上,

上升到近年1%。

雖然而家呢個病嘅康復機會係9成,但係治療方法具有毒性,有唔少後遺症。

懷孕時期嘅基因突變,係呢個病其一嘅成因。

另一引發白血病嘅可能,同兒童本身抵抗力有關。

 

Greaves教授話,幼兒一歲前接觸細菌呢類致病原,

免疫系統受過考驗,就有足夠嘅抵抗能力,作出適當嘅身體反應。

 

但係而家嘅家長普遍都有好好嘅衛生意識,用好多消毒用品;

再加上母乳餵哺未夠普及,唔能夠將媽媽嘅抗體「過」俾BB,

一旦有咩感染,免疫系統嘅「炎性反應」可能太大,

會令身體分泌出名為Cytokines嘅物質。

Cytokines正正係引發突變基因成為兒童白血病嘅另一元兇。

 

所以而家教授正著手搵出邊幾隻細菌可以適度「挑戰」兒童免疫系統,

然後再將呢啲細菌製成類似乳酪咁嘅飲品,

代替疫苗,被幼兒服用。

Greaves教授又指,白血病以外,一型糖尿同敏感症都同免疫能力有關,

希望呢種「細菌飲品」可以預防埋呢類病症。

 

咦,點解個原理咁似飲「益x多」保持腸道健康嘅?

 原文傳送門

【相關搜尋】兒童白血病病徵

你可能還想看