細路賣檸檬水被投訴 警察到場變捧場

19+

支持警察,嚴正執法?

有時唔執法,反而有更多人贊同!

 

睇外國電視電影都知,有啲小社區會有小朋友喺屋企門口擺檔,

賣自家製檸檬水。

喺香港一早當小販咁拉,外國呢?視乎地方啦,不過街坊街里見到,

心知小朋友同屋企人只係貪好玩唔係為咗搵錢,唔會太上心,甚至幫襯埋一份。

不過喺美國紐約市郊,主婦Whitney同仔女擺檔賣檸檬水個幾鐘之後,

有警車停喺佢地檔口前面……因為有人投訴佢地非法擺賣喎。

 

而2位警員落車同Whitney講嘅第一句係︰

你信唔信有人刻薄到要打電話報警投訴細路賣檸水呢?

 

之後2位阿sir仲幫襯埋一份,又同小朋友影相。

Whitney好感謝警方冇揸正嚟做,仲喺facebook出post表揚。

而阿sir就話除咗因為有人停車買檸水而引起少少交通阻塞之外,小朋友冇咩做錯。

呢件事令唔少人慕名而來飲杯嘢,Whitney話三日就做咗幾百蚊生意。

 

有時阿sir做嘢真係唔駛人教架……

原文傳送門

你可能還想看