「細龍太」陳偉琪被無綫雪藏 向公關公司寄求職信搵出路?

陳偉琪

無綫處境劇《愛.回家之開心速遞》深受觀眾喜愛,唔少藝員更憑劇中角色成功入屋,當中包括飾演細龍太嘅陳偉琪(Vicky)。可惜陳偉琪去年因醉駕而停工,點知停工期間又俾人影到去夜蒲咀外籍男,有傳因而激嬲無綫要被雪藏,就連《開心速遞》中細龍太都被安排遠飛美國。唔經唔覺陳偉琪已經被雪藏咗半年,有指暫時解凍無望,於是主動向多間公關公司寄求職信,為轉行做好準備。

陳偉琪畢業於英屬哥倫比亞大學政治系,精通兩文三語。除此之外,佢喺運動、豎琴及鋼琴等範疇都有唔錯成績,佢更曾為溫哥華市長選舉中做助選及形象顧問,相信佢要轉行搵工真係唔怕無出路。再加上佢有個做貿易生意嘅「富爸爸」,就算冇工開都仍租住西貢千呎獨立屋、揸靚車及戴名錶,對佢嘅影響都唔係太大。

陳偉琪接受傳媒訪問時就透露無綫大半年冇同佢聯絡,所以自己都要諗下工作方面嘅安排。問到佢將來會唔會專注做司儀和主持方面,佢就話好喜歡司儀工作,而一直都有做呢方面嘅工作,所以唔係轉行。之後,佢又喺IG上載「Verified這幾個月,大家也在努力抗疫。深信很多人因應時勢都在經歷轉換新環境、新方向。在這過程總會反覆猜疑自己能力,甚至人生目標。感激這個過程,享受這個過程,因為這樣會讓自己變得更加堅強。#共勉之」唔少網民都紛紛留言叫佢加油。

陳偉琪
陳偉琪
陳偉琪
陳偉琪
陳偉琪
陳偉琪

【相關搜尋】陳偉琪透視裝行山