【終於唔J】黎明晨咁早出金句post推旗下新人

香港樂壇唔少新晉發力,做咗天王30年嘅黎明都十分努力,年初重新演繹《夏日傾情》等舊歌之餘,仲用24小時做咗隻抗疫打氣歌Good Luck。身為唱片公司老闆嘅黎明依然親力親為,今日一朝早就喺facebook出post宣傳旗下2組新人Yuta同埋Lab。

終於唔J!黎明晨咁早出金句post推旗下新人
終於唔J!黎明晨咁早出金句post推旗下新人

有黎明嘅地方就有金句,呢個post都唔例外。首先佢自稱「音樂從業員」,仲話「要早起身,如果可以就早瞓早起,如果唔可以就只能夜瞓,但都要早起」,十分有Leon風格。Leon咁早出post自有原因︰「始終一日之計在於晨,音樂作品完成終於亦都意味住音樂從業員可以早瞓…但呢個係唔會發生,由於時代太繁華所以本職亦要負責推廣音樂,總之大家共勉之啦……今次介紹兩組新人分別係男仔 Yuta 同 女仔組合 Lab。」

黎明做老闆多年,捧紅過唔少新人,但都有共通點︰女,J字頭。Janice(衛蘭)、JW、以《說散就散》唱紅全國嘅JC(陳詠桐)。今次Leon介紹2組新人都有提起呢個巧合︰「有好多人講過公司同好多『J 』字頭英文名的歌手合作,以為我哋熱愛『J』始終個名系佢哋真嘅英文名,亦都唔會每次都撞『J』」。

秉承Leon多年來捧人策略,Yuta 同二人女子組合Lab嘅首支單曲《推理的愛》同《你是我的病》,MV入面都係見唔到佢地個樣!猶記得當年衛蘭連唱片封面都係一張側面照,JW都係收埋個樣一陣先見到真面目。2首歌都係大路情歌之作,穩穩陣陣,亦都可以話係「Leon方程式」嘅元素。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能