絕密上市公司女CEO錄音流出 公司不供應廁紙「同事犧牲了新襪仔」

喺香港，唔少打工仔都希望入上市公司做，無他嘅，都係諗住上市公司人工高、福利好，最緊要係無咁易執呀嘛！尤其是年尾時間，一個唔好彩無咗份工真係唔知點算好。

不過，小編不時聽到身邊啲朋友呻，上市公司講出嚟個名就好聽，實則內部立立亂，老闆仲分分鐘刻薄過中小型公司。本來小編都半信半疑，但最近網上流傳一間上市公司女CEO嘅錄音，話公司廁所唔再提供廁紙，小編真係聽到O哂嘴，唔係呀嘛？去完廁所無廁紙，唔通真係要用自己對襪搞掂？

錄音流出 電視劇情節每日在辦公室上演

根據錄音內容，呢位上市公司女CEO話：「你話俾個客知呀，現今環保呀，你去五星級酒店都無紙巾provide啦，除非你特登問佢攞張tissue先有架咋，去高級啲嗰啲餐廳都無啦… …」出帖網民仲話，「有個同事犧牲了自己對新襪仔來抺」，原來呢啲以為只會出現喺電視劇嘅情節，真係每日活生生喺辦公室上演架！

據聞呢間上市公司係醫療護理集團，工作上一定會用到好多紙巾，呢位女CEO都意識到問題，佢喺錄音入面問：「多唔多人問有無紙巾賣呀？如果係咁嘅，不如我地賣紙巾囉，唔賣一包包，可能賣一卷卷呢啲，或者一pack pack維特 (維達), 出面係膠套嘅，好無賣埋呢啲紙巾呢？」停紙巾都唔夠，仲要變相賣紙巾俾客賺一筆，真係非常刻薄兼唯利是圖，難怪網民都話早走早著。

網民反應：

• 上市公司都係得個殼咋，尤其呢2年先上到市嗰啲根本死充cap水圈＄，圈完又唔識運用，越做越死，小散戶睇路

• 帶定纸巾先好去廁所

• 真係慘無人道，番工竟然要自備廁紙

• 帶動文化復興，用報紙解決

來源：香港討論區

相關字：

上市公司 CEO 老闆 刻薄 無廁紙 紙巾 錄音流出 電視劇情節 辦公室