經理人見「姜生」嗌討厭 C AllStar受牽連 鏡粉踩上門

·2 分鐘文章
C AllStar
C AllStar

男團MIRROR熱爆全港,紅到去美國,掀起本港近年少見的追星潮。惟有指組合C AllStar經理人批評MIRROR現象已達「擾民級別」,又指廣告多多的MIRROR是「廣告從業員」,即令一眾「鏡粉」十分不滿!

MIRROR攻陷全港,歌曲及廣告全天候「洗腦式」播放,加上他們過去大半年接拍超過100個廣告,商品及服務幾乎全面覆蓋衣食住行,尤其隊中的成員姜濤,更堪稱「人氣王」,無處不在。組合C AllStar經理人阿拔日前在社交網貼出遮住姜濤樣子的廣告相,表示看手機都見到「姜生」:「實屬覺得討厭到一個點。」之後又上載多個私訊內容,表示不少人都認同其說法,並寫下多個字句包括「原來我無孤獨病」、「social disturb」、「擾民級別」外,更指MIRROR:「正職唔係歌手,佢哋只係廣告從業員」。

釗峰:「大人」嘅言論我冇資格點評!

C AllStar成員On仔(陳健安),疑似為經理人批評MIRROR一事發文:「別人成功,好好替別人高興;別人失意,好好鼓勵一下。互相支持,尤其是這幾年,尤其是同行人,我們才會健康成長。」成員之一的釗峰,亦表示收到好多人查詢其經理人真正身份,因說法多多,他解釋阿拔一直是其經理人公司老闆,又直言:「『大人』嘅言論我冇資格點評,只能夠講,出於釗峰意見,呢個絕對唔係我哋一貫組合嘅立場同方向。多謝大家關心。」

有粉絲不滿經理人阿拔的言論,到C AllStar社交平台直斥:「食碗面反碗底,上Viu節目又踩Viu藝人!」亦有C AllStar粉絲護航反擊:「用吓你個人腦先啦,發表個人言論,關C AllStar咩事呀,世界上得MIRROR可以發言可以批評人呀?」而MIRROR的經理人花姐(黃慧君)昨日在社交平台發文表示:「唔好意思,打搞晒。MIRROR、ERROR會繼續努力,希望成為多元化藝人。Fans們,多謝你們一直支持,因為你哋支持,我哋會繼續努力。」

MIRROR人氣勁狂接廣告,不過唔係個個都Like!
MIRROR人氣勁狂接廣告,不過唔係個個都Like!



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能