【經痛無罪.請假有理?】痛到落唔到床都請假叫縱容?

親子王國 Baby-Kingdom.com

撰文:飛天中女Juicy媽

【親子王國分享】

講到經痛呢個問題,相信唔少人都為此而感到極度痛苦,至於痛嘅程度確實係人人唔同。而且每個人受痛程度都唔一樣,如果要形容嘅話,實在係等同你問我生仔有幾痛一樣。都唔知點講你知好,總之無花無假就係痛囉,仲要係持續咁痛,無先兆,無盡頭咁痛!


雖然Juicy媽我就冇生女,但大家女人,好明白經痛幾慘喎。早前就有家長喺forum呻囡囡步入青春期之後,不時經痛痛到床都落唔到,所以就幫佢請病假。但由於無呈上醫生紙嘅關係,老師就質疑呢位學生係咪去咗玩,仲同家長講唔應該縱容小朋友,要比佢哋捱下苦,皆因到咗將來返工,都唔可能因為咁小事而成日請假。

對於呢件事,又確實係公說公有理,婆說婆有理,網友就話「雖然大家女人,都知m痛係好辛苦,但你成日請假又唔俾醫生紙,又講唔通喎!老師都好難做架 」、 「 懷疑係正常,但佢之後說話佢未查明就咁評論對個學生同樓主都唔公平。 」、 「以前有兩個中學同學一M到痛到面都青埋都照返學,以前啲人從來唔會為M痛而請假」

咁到底係而家嘅小朋友愈來愈唔捱得?定係其他原因?我諗呢件事首先要從囡囡身體健康問題去睇,長期嚴重經痛,或者真係要考慮向醫生求助,始終有好多痛症都係身體畀我哋嘅警號;至於老師假設性嘅結論,有張醫生紙就不攻自破啦!

即刻入嚟討論區一齊傾


即睇下一篇:食物顏色暗藏玄機,教你點睇出當中營養

其他內容