雅虎香港新聞 【網上買餸】8間中小型網上超市推介 食品雜貨/生活百貨直送家門
最近疫症搞到香港人人心惶惶，街市相繼中招，出街買餸都步步為營，不過香港人唔使擔心，因為唔少網上超市紛紛提供送貨優惠，大舖、大型網店無貨時其實仲有好多小店可供選擇！Yahoo著數專員而家就為你推介8間，以下的送貨速度只供參考，而不同商戶因應不同地區也有各自的運送安排和收費，下單之前要先多加留意！
---------------
新鮮海鮮之選－日日餸
網上買餸一樣可以食到新鮮海鮮！以下呢間日日餸就以海鮮主打，北海道海膽、石崇魚、長腳蟹等等，仲推出優惠抗疫套餐！除咗海鮮，仲有肉類蔬菜直送，滿$600就可以送貨啦！
主打高級肉類－鮮達
在家一樣可以食到高級牛扒！香港高級食品批發(鮮達) 由一班熱愛在屋企享受牛排的香港人創立，一站式提供各種高級食品，為香港所有朋友提供可靠新鮮、供應穩定的肉類食材，最近仲加入唔少經濟實惠嘅肉類產品，買滿$400即享運費減免優惠。
$150即送貨－蔬菜革命
呢個Facebook 小店堅持提供最優質、優惠嘅蔬菜直達府上，除咗蔬菜、仲有生果、雞蛋、豆腐、菌類、瓜類、零食等，凡購物會送洋蔥、甘荀或蒜頭，客人可以從whatsapp落單，最低消費係$150，一星期唔同日子送唔同區域，黃大仙區都一樣送貨！
本地優質蔬菜－快樂家庭網上店
想食到本地無添加嘅優質蔬菜，就要幫襯以下嘅快樂家庭網上店，店舖有提供各式各樣有機／無添加飲品和食品、養生保健superfood、醬料、酒類、雜貨類一應俱全，仲有折上折大特價區域，本店購物滿$540即可免運費，想支持本地農夫就要幫襯啦！
支持社企－銀杏士多
餐廳難，最近社企一樣經營困難，著名社企銀杏館最近都大推送貨服務，消費$400以上免運費，提供天然凍肉、餃子、火鍋雞煲外賣、乾貨、月餅，仲有$28包一餸專區添，要煮飯嘅你哋買一包就可以搞掂一個餸！
即日直送－Fresh To Go
作為首間專營網上餸菜包的飲食宅配公司，Fresh To Go係持有大型食品工廠牌照嘅公司，為客人提供煮食包同餸菜包，主打3餸1湯餐，賣點係上午11時前下單，即日下午便可送到府上或辦公室，實在好啱忙碌嘅香港人！
愛心餸包－CookEasy 煮餸易
CookEasy 煮餸易是由東華三院、煤氣公司資助成立嘅社企，為殘疾人士提供就業機會。設有新鮮餸包製作及送遞服務，新鮮餸包/即食佳餚購物滿HK$500可享免費送貨，仲會為坐月媽媽提供豬腳薑同即食子薑添！大家買餸就唔使頭痕啦！
生活用品一站通－小金媽批發團購雜貨店
除咗大型超市，想買日用品或者糧油雜貨一樣多選擇架，呢間小金媽批發團購雜貨店店主搜羅各地好物，不論化妝品、護膚品、衣服鞋襪、手袋、生活百貨、兒童用品，仲有大家必備嘅口罩等等都有，讓大家以團購價、批發價購物！店舖提供順豐智能櫃到付，運費另行通知。
相關文章：
