網友投訴䱽魚變鹹魚 關唔關魚檔事?

19+

 

煮餸難,買餸更難。

返到屋企想煮幾耐都得,但係買餸唔同。

行入街市,要眼明手快腳步快,更重要係經驗。

唔係睇呢個post,我都唔識呢個揀魚小知識。

有大埔group網友出post,話去街市用$110買咗條鷹䱽,

返屋企清蒸,咩調味都冇落,

蒸完只係落咗少少蒸魚豉油調味,

點知食落條魚鹹過鹹魚!

 

呢個post有好多學嘢位︰

1,有網友懷疑,樓主嗰條根本唔係鷹䱽,而係白䱽!

因為鷹䱽個咀型似鷹,尾部呈同埋燕尾狀,同樓主嗰條有啲唔同。

但係當事人話自己條魚同網友提供圖片嘅鷹䱽係似嘅。

 

2,點解會鹹?

有網友估係保存條魚嘅生雪加咗鹽,等佢溫度低啲加強保鮮效果。

但係有自稱屋企開魚檔嘅網友話,

魚船出海有魚獲的話,就會用冰加鹽保鮮,

照意思睇即係條魚可能一早已經捉到,

而䱽魚本身易死(一上水面就死),結果俾加咗鹽嘅冰醃咗好耐,變成鹹魚。

 

3,點避免?

原來唔止一個街坊中過招,有其他網友回應話,

自己都試過買到寧舍鹹嘅䱽魚、魷魚同蝦。

有人就教路,唔好一早去買,否則可能買到嘅會係隔夜「鹹鮮」。

 

嗱,你睇下買餸幾多嘢學!真係想收工就仆去街市買條魚返去蒸~

大埔Group原post

【相關搜尋】香港常見食用魚

其他內容