網民出PO指微辣越做越垃圾 呢5大罪行你認唔認同?

·2 分鐘文章
微辣Manner
微辣Manner

澳門娛樂平台微辣(Manner)出品嘅短片一直都受網民歡迎,當中嘅搞笑短片更衝出香港及澳門,備受內地及東南亞等地嘅網民關注,不過近日就有網民係討論區以「微辣垃圾到倒自己米」為題,指佢哋越做越垃圾,吸引唔少網民討論並數出微辣5大罪行,以下就同大家睇下!

1. 影片失去方向
微辣由「幾秒短片」變成故事式短片及「節目番」,原本唔少網民都鍾意睇佢哋嘅搞笑短片當減壓,不過有網民認為佢哋嘅短片廣告味越嚟越濃,仲慢慢失去咗方向及負評多多,仲話佢哋而家要做低質素嘅嘢去搶Views。

2. 藝人欠實力
微辣喺2013年創立,8年間成功捧出唔少旗下藝人,例如豪Dee、Yelo及霍哥等等,不過網民就認為佢哋嘅新藝人冇實力得個樣,出嚟呃飯食,好難有佳作推出。

3. 收費貴
微辣嘅短片廣告味甚濃,網民認為佢哋嘅廣告價錢貴,有網民仲搞笑話:「拍條30秒嘅片都收廿幾萬,真係好易搵到錢」及「垃圾都唔止,仲要賣垃圾先好笑,六舊水一副3D眼鏡」等等。

4. 人才欠奉
微辣除咗被指藝人欠實力之外,更有網民話近年佢哋嘅幕後不斷出現於幕前、COO及藝人經理人亦離開,懷疑佢哋係唔係已經冇人。

5. 內部鬥爭不斷
有網民指微辣入面有唔同背景嘅人,早前阿晶辭職已經睇得出內部藝人分黨分派,鬥爭不斷。

微辣Manner
微辣Manner
微辣Manner
微辣Manner
微辣Manner
微辣Manner
微辣Manner
微辣Manner

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能