網民列ViuTV《車中泊》3大劣評 主持野外煮食錯晒

《車中泊》截圖
《車中泊》截圖

ViuTV節目《車中泊》逢星期一至五晚上11時播出,鄧詠雪(雪子)、鄭麗雯(Shell)及迪子3位主持揸住露營戰車一邊欣賞台灣嘅靚景,一邊享受當地美食。不過,節目播出以來就得到大批網民批評,仲話節目連YouTube質素都冇,點解可以拎上電視播。以下結合網民3大劣評。

網民評論1:部分內容與「車中泊」無關
車中泊係將汽車加入睡床、書桌等日常生活設施,改裝成一個生活空間;但網民就覺得ViuTV《車中泊》成日都介紹咗一啲食店,甚至浸溫泉、釣魚等活動,認為似變咗飲食節目多啲:「其實都唔算係車中泊旅遊」、「車中泊意思唔係活動主要在車上嗎?點解變左好似主要介紹食店咁嘅?定係我認知太少?」、「佢揸住部車周圍去人地地方飲飲食食,同一個自駕遊嘅旅行節目無分別。」、「整體是一個沒令人有想去車中泊的節目,露營週圍風景介紹不足」等等。

網民評論2:節目剪接凌亂
唔少網民批評節目製作求其,其中一集主持試食完食物都講唔出係啲咩嚟,認為無做好資料搜集。網民又覺得成個節目剪接凌亂,令人無心機睇落去:「拆開幾part唔好睇,冇興趣追落去」、「每一集分開講三個主持去邊...好似好散咁」、「滿心期待,誰不知,散修修,一嚿嚿,最後熄電視」、「已轉台,係我第一次觀看貴台節目第一次要轉台。無論主持質素,節奏,撰稿等甚為低質,甚至不及YouTube節目的水準。觀眾的耐性有限,請多善用星期一至五比較多收視的時段。」、「個節目悶到呢…開個蓬砌張枱播咗兩分鐘」等等。

網民評論3:主持質素唔掂
網民似乎唔多滿意3位主持表現,表示點解要搵佢哋拍;而且覺得佢哋唔識野外煮食。《車中泊》中,有主持於煮食時令觀眾睇到替佢感到擔心,於露營Group出PO表達意見,認為細炊具用大爐,大炊具用細爐,並將手柄摺起來煮食係極度危險行為:「我一路睇一路R曬頭,我究竟睇緊啲乜」、「之前已劣評,點解還要揾Shell拍呢?其他2人亦唔識」、「覺得佢地講野好1999,聽得好辛苦」、「d女根本一條友handle唔到」等等。

《車中泊》截圖
《車中泊》截圖
《車中泊》截圖
《車中泊》截圖
《車中泊》截圖
《車中泊》截圖
《車中泊》截圖
《車中泊》截圖
《車中泊》截圖
《車中泊》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!