網民勁buy 《IT狗》瘋狂抽水明寸呢幾樣社會現象

IT狗
IT狗

ViuTV劇集《IT狗》播咗7集,第一周反應唔錯,收視有4.1點,以Viu嘅水平計算係高收視。劇情以凌文龍飾演嘅葉念信失業後涉足創投界經歷做主線。雖然叫《IT狗》,但係劇情同IT唔算好有關連,反而更似處境劇,劇中人對白仲直線抽擊唔少社會話題,好多網友都俾正評。抽水抽著邊啲?睇啦~

「彈出彈入」嘅性別平等主義者

網民勁buy 《IT狗》瘋狂抽水明寸呢幾樣社會現象
網民勁buy 《IT狗》瘋狂抽水明寸呢幾樣社會現象

劇中嘅女Billie(余逸思飾)追求性別平等,成日同男Billy因此而爭拗,其中一場就以「何謂女廁」定義諷刺箇中邏輯謬誤。

慈善機構借助養搵錢

網民勁buy 《IT狗》瘋狂抽水明寸呢幾樣社會現象
網民勁buy 《IT狗》瘋狂抽水明寸呢幾樣社會現象

阿信捐款保育助養動物,但係被男Billy踢爆每個捐款人都會收到同一張動物相,咁啱早排真係爆出慈善機構嘅受助少年原來有錢揸靚車同去蒲,機構先至解釋「助養」款項原來用來支持社區發展,唔係直接俾受助人。呢一幕被譽為係神預言。

星之子

網民勁buy 《IT狗》瘋狂抽水明寸呢幾樣社會現象
網民勁buy 《IT狗》瘋狂抽水明寸呢幾樣社會現象

Lokman飾演嘅「星之子Tony」少年時代因為發明「智能水杯」而獲獎,仲因此得到宇宙星體命名權,被稱為「星之子」,到長大成人後仍然經常提起呢個稱呼,擺明係直抽「星之子」陳易希。

大台理論

網民勁buy 《IT狗》瘋狂抽水明寸呢幾樣社會現象
網民勁buy 《IT狗》瘋狂抽水明寸呢幾樣社會現象

Tony出名後出過書,其中一本叫《大台理論》,顧名思義都知係明寸TVB劇橋段公式,例如大結局會有BBQ、歡喜怨家一定成為情侶、廁所係偷聽聖地等。

恥笑創科界「呃飯食」

網民勁buy 《IT狗》瘋狂抽水明寸呢幾樣社會現象
網民勁buy 《IT狗》瘋狂抽水明寸呢幾樣社會現象

阿信因為創業而認識唔少創科界前輩,當中唔少人都係靠把口賺錢,劇中就拎「磁能線」事件同埋「眾籌果汁機唔出貨」做例子,仲借劇中人把口講「香港搞創科食s」,講得好白。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!