網民熱話:出示樣本醫療卡博優惠 護士擊退白撞病人

on.cc 東網
有病人企圖用樣本醫療卡照片渾水摸魚,最終被護士揭發。
有病人企圖用樣本醫療卡照片渾水摸魚,最終被護士揭發。

使用醫療卡求診可享有優惠,不過竟有人有利用樣本卡搵着數。日前(12日)有護士在網上分享工作點滴,指一名女病人疑似「白撞」,從手機展示樣本醫療卡照片求診,以圖獲得優惠,被揭發後才黯然離開,護士直斥對方:「唔好咁樣侮辱自己嘅腦。」

貼文者在Facebook專頁「診所低能奇觀」指,一名女病人到診所求診時,到登記處用手機展示醫療卡,詢問是否能使用。當護士指可以,並要求病人出示身份證及實體醫療卡登記,惟對方竟再一次展示手機上相片,並說:「你頭先咪睇咗囉?要再睇?」

惟護士發現相中醫療卡的名字寫上「MR SAMPLE」,顯然照片屬樣本卡,「唔好意思,呢張醫療卡唔係你本人嘅?拎張身份證出嚟睇吓你係咪叫『MR SAMPLE』囉,你叫咩名呀?」對方未有回答,不停答:「咩呀咩呀。」護士最後直言,「如果你係自己有醫療卡嘅就用得,但係上網搵張相嘅醫療卡係用唔到㗎。」病人自知理虧,隨即轉身離開。護士在貼文怒斥對方,「大佬呀,你唔好咁樣侮辱自己嘅腦啦,好冇呀。」

網民看過事件,直斥事主厚顏無恥,「大腦是個好東西,可惜不是人人有」,「 侮辱佢自己個腦好啦,唔好侮辱埋姑娘個腦好喎。」亦有人戲謔稱涉事診所是精神科,「好肯定你間醫務所係專科『精神科』。」

網民有話說:

Queenie Tsang:佢冇腦就當人哋都係冇腦

Ah Ka:下次用電話show張銀紙相出嚟當診金

Hong Ting Foo:無腦到極嘅代表

你可能還想看