網民熱話:卡住石壆瘋狂踩油 要脫困只差呢一步?

on.cc 東網
私家車被卡在石壆動彈不得,網民則獻計助脫困。
私家車被卡在石壆動彈不得,網民則獻計助脫困。

座駕遇上意外剷石壆固然不幸,惹再陷進退兩難局面,就更加頭痛。近日網上就流傳一段片段,一架私家車卡在石壆上,司機不斷踩油以圖脫身,然而前輪只是不停空轉仍寸步難行。尷尬情況不止惹來街坊「食花生」,網民亦笑稱:「可惜唔係四驅車」。

網民Kelly Kaa昨日(31日)在Facebook群組「馬路的事討論區」發布短片。事發在上水北區大會堂附近,從片中可見,一架私家車不知何故剷上石壆上草坪,但半邊車身就卡在石壆邊緣位置。期間司機想踩油離去,惟前輪只不停在草坪空轉,整架車依然動彈不得,旁邊街坊則在拍攝,可見場面非常尷尬。

對於私家車「狂轉唔郁」的遭遇,網民稱這是「頭轆車的悲歌」,又建議司機「call人啦,新年破財擋災」;有人則調侃:「下次買坦克咪咩都唔使驚」;不過亦有網民認真教路,指只要司機踩油之餘不斷左右扭軚,便有機會脫困。

網民有話說:

Ching Ching:落車攝啲嘢啦

Chung Lee:可惜唔係四驅車

Safina Lam:佢唔係諗住用晒啲油就夠力撐起部車啊

你可能還想看