網民熱話:外傭不滿阻吹水 孖女要求去廁所被鬧黐線

on.cc 東網
一對孖女在公園先後要求去廁所,卻被只顧吹水的女傭鬧黐線。
一對孖女在公園先後要求去廁所,卻被只顧吹水的女傭鬧黐線。

外傭照顧少主,忙於上班的家長未必知道其細節,真相隨時嚇你一驚。有網民前日(15日)在Facebook群組「外傭僱主必看新聞訊息」貼文,指目擊外傭帶一對孖女少主到公園遊玩,兩名女童先後要求去洗手間,被外傭怒拒,並一度斥責「你黐線㗎,點解要屙尿?」事件令目擊者看不過眼,公開聲討涉事外傭。

相關文章:

網民熱話:酒精噴壺當「探熱槍」 失魂侍應酒精直噴男童眼

網民熱話:無品男港鐵車廂開餐 食飽落車飯盒掉地下

事發於元朗一個公園。貼文者Ida Ho表示,兩名外傭坐到長櫈聊天,其中一名外傭照顧一孖女,期間一名女童因人有三急,向外傭提出想去廁所,慘被對方拒絕,外傭用流利廣東話說:「你黐線㗎,有冇搞錯,點解要屙尿?」鬧了幾句後,另一名外傭便帶女童到洗手間。不久之後,另一名女童同樣要求去洗手間,外傭再次拒絕,「有冇搞錯,又要去,唔准去!」而圖片可見,外傭把口罩除下,防疫意識看似不足。

目擊事件的貼文者忍不住上前怒斥外傭行為,質疑對方因覺得女童去洗手間,阻礙與朋友傾偈及「撳手機」,「點解小朋友要去廁所你就鬧佢?」怎料對方反指她多事,「話我唔係僱主關我咩事?做咩要鬧佢?佢胡扯小朋友去廁所係玩之類。」她指孖女只有4歲,事後貼文者更叮囑她們回家要告訴母親,如果下次想去廁所時被外傭鬧,要跟對方說唔可以再鬧,又呼籲孖女母親見貼文跟她聯絡。

網民看過事件,大讚事主做得好,「你一啲都唔多事,做得非常正確」,「如果我係媽媽,我會好感激樓主!」亦有人怒斥女傭過分,「呢啲工人真係正x街,畀錢佢打工,仲好似老奉唔使做。究竟香港幾時先有保障僱主條例?」「過分!去廁所係人基本需要!咁都鬧!小朋友好委屈囉!」

網民有話說

Mimi Choi:點情況都不能鬧小朋友,應該睇實小朋友,這是你的責任!

Mancy Ng:無腦嘅姐姐,自己急尿係咪唔使去?

Mandy Lau:黐線㗎,去廁所都要畀人鬧

【相關搜尋】外傭僱主必看新聞訊息

你可能還想看