網民熱話:母女巴士睡姿好架勢 「飛象過河」伸腳出通道

on.cc 東網
兩母女在車廂內大覺瞓,二人誇張的睡姿就惹起網民熱議。(互聯網)
兩母女在車廂內大覺瞓,二人誇張的睡姿就惹起網民熱議。(互聯網)

父母身教十分重要,否則子女隨時「有樣學樣」。近日一對母女搭巴士時「大覺瞓」,但睡姿就非常誇張,母親搭着椅背,女孩半身睡在媽媽懷抱,但腳部就托起伸出通道,令站在通道的乘客都要避之則吉,最終惹來網民狠批,「一家大細無家教」。

網民Yukfun Wu‎日前在Facebook群組「巴打絲打 Facebook Club」上載一張照片,照片所見,一對母女在巴士下層熟睡,其中身穿校服、相信是小學生的女孩躺在母親懷中,左腳托在手把上,鞋底向着通道位置,至於其母,睡姿亦不遑多讓,一手搭在椅背上。二人睡相不止礙眼,更影響當時在通道站立的乘客,加上通道走廊另一邊亦有人擺放行李箱,令站立空間「窄上加窄」。

坐在兩母女對面的網民直指該名母親,「踩咗我多次,望住我,我又望住佢,冇道歉」,又指女孩「未瞓前,隻腳擺來擺去...每個乘客行過都要就佢隻腳」。

不少網民亦「睇唔過眼」,諷刺該名母親「太好家教」,不過亦有人替女孩可憐,「睇住個妹妹要生於呢種家庭,真是好心傷」、「點可以瞓成咁?好冇儀態」。

網民有話說:

Yoyo Yiu:無家教,瞓就返屋企瞓

KarKar Wu:呢啲係真正公眾地方行為不檢

Yasu Johanna:唔識教就咪生啦

你可能還想看