網民熱話：的士初哥行錯路 減車費送朱古力極窩心

香港的士司機的服務雖為人詬病，不過亦有不少好人好事。近日有網民在網上就分享一段乘的士經歷，他雖然不幸遇上唔識路的士司機，最終要「兜大圈」令路程增加，不過司機最終為表示歉意，做出一些令人窩心的舉動。

網民Peter Chu前日(1日)在facebook群組「To Kwa Wan 土瓜灣之友」發貼，講述事件經過。事主稱，當時在土瓜灣北帝街截的士準備前往紅磡火車站，但自稱新手的司機唔識路下，駛至旺角亞皆老街，事主惟有將錯就錯，將目的地改為旺角火車站。落車後咪錶顯示車資是34港元。「佢話收25蚊，我話唔使啦，你照收34...最後都係收咗25蚊。」臨走前，對方還送事主三粒朱古力，朱古力上附上一張小字條，寫着「感謝乘坐和給機會新手司機！」更畫上一個哈哈笑圖案。

不少網民稱讚司機有心思，直言非常感動，「寫埋感言畀你呢吓勁」，又形容該名司機是「的士界新星」，有人鼓勵司機「能保持呢一種心態去專業地搵食」，盛讚他「輸出正能量」，「只要大家可以互相體諒一下，大事可以變小事，小事可以變冇事」。網民亦建議事主要「私有化」，抄下司機的聯絡方法，下次叫車可以再聯絡。

網民有話說

Daisy Lo：你真幸運！
Lily Tung：So sweet，正能量
Peter Chu：我坐咁多的士，從未遇過呢種...有啲行錯路只會話自己香港車唔熟路，行到爆晒錶都照收錢。
Keith Kwok：佢應該當揸的士操車