網民熱話:「禁區」落閘阻前進? 私家車剷行人路逃脫

on.cc 東網
私家車為離開「禁區」,先剷上行人路再衝「綠公仔」離去。
私家車為離開「禁區」,先剷上行人路再衝「綠公仔」離去。

香港有些馬路部分時間被劃為行人專用街道,不過往往被司機忽略,最終陷入「有得入,冇得出」的困局。近日一架私家車在這些路面泊車,取車時才發現路段出口被「落閘」,結果連環違規脫困,行徑令途人側目。

現場是銅鑼灣百德新街,該段橫跨至駱克道、東角道及百德新街部分路段,每日下午4時至午夜12時都被劃為行人專用街道。網民Ernest Ng昨日(13日)將片段上Facebook群組「小心駕駛(討論別人駕駛態度)」。片段開始,一架黑色私家車已經駛上行人路,途人都要紛紛閃避,片段可見馬路中央擺放欄杆阻止車輛進出,估計私家車停泊後冇法離開而另覓出路。

私家車剷上行人路後,再繼續向前駛至一個交通燈位,當時交通燈正亮起「綠公仔」,不少行人正橫過馬路,但司機為求盡快離開,似乎一於少理,繼續向前駛離。

不少網民直斥司機離譜,直言要1823投訴,「點解可以咁揸車?」「行人過路線,綠燈都郁車?」亦有網民一語道破逃脫關鍵:「其實係駱克道大大個牌寫明幾點開始行人專用區㗎啦,你未封前入咗去,但又人哋封咗你先走,攞嚟嘅,嗰條欄好多時都係無鎖嘅,你搬起佢都好過咁攝出嚟!」

網民有話說

Cory Fong:呢啲人,唔應該有牌

Oki Ho:竟然唔係中港牌?!?

Hwang Jigang:你睇,幾x有霸氣

你可能還想看