網民熱話:綠帽疑雲?躁男快餐店暴打女友 結局神逆轉

on.cc 東網
有人拍得一對情侶在快餐店內疑為出軌問題大打出手,引起網民熱議。
有人拍得一對情侶在快餐店內疑為出軌問題大打出手,引起網民熱議。

雖說「綠帽唔怕戴」,不過一旦遇上,卻非人人受得住!有網民日前在Facebook群組「巴打絲打 Facebook Club」上載影片,片中一名青年懷疑女友出軌,在連鎖快餐店內向女友出手,惟女方亦不示弱,拳來腳往,最終反佔上風,躁男不禁大罵,「我幾X冇面,(綠帽)由頭笠到落腳呀」,盡顯無奈。

現場是一間大型連鎖快餐店,由網民Matt Pang上載的影片可見,店內遍地倒瀉飲料痕迹,相信是屬於該對情侶吵鬧的戰績,最初雙方一直在對峙,最終青年先開口:「你有冇幫過我一次?」隨即出手,女方不甘示弱,擸起手袋向對方攻擊,但迅即被對方搶去。青年反問女方是否「發神經」,再連續兩下「右手拉弓」用手袋重擊對方頭部,又出手抓向對方面部。

女方花盡九牛二虎之力,不止將青年推向另一邊,更反擊扯其頭髮令對方倒地。此時餐廳經理出手調停,總算令雙方暫時停手。

在爭吵一輪後,有食客為女方拾回掉在地下手機,青年疑看到手機上的短訊,隨即問:「你又有第二個呀?X你老母,你喺人哋嗰度3日2夜呀!」又否認自己有出手打對方,並指摘女方用電話及手袋攻擊他:「我幾X冇面,(綠帽)由頭笠到落腳呀,臭X!」片段隨即結束。貼文者以「食花生」心態表示:「我真係忍唔住笑!」

網民對片段反應熱烈,有人斥男人打女人實屬不智,「男人唔可以打女人!就算女人點錯都好!」「我有冇睇錯,係條仔被條女撳住喺個地下度打?」亦有人針對女方疑「派綠帽」,打趣說:「3日2夜宿營吖!」

網民有話說:

Cola Ka:好男不與女鬥,咁嘅態度對個女人,抵個女人離開你

Wendy Leung;公眾地方都打到條女咁樣...喺屋企仲得了嘅...係女人都搵過個啦!仲留喺度捱打呀?

Ken Avenger-ken:悲劇,放手吧


你可能還想看