網民熱話:免治生豬肉餵歲半B 僱主力數外傭罪狀

on.cc 東網

【on.cc東網專訊】不少家庭都會聘請外傭分擔家務,不過僱傭關係又是另一門學問。日前(27日)有僱主在網上力數家中極品外傭9宗罪,當中指對方令到歲半兒子受傷外,更險餵食生豬肉,忍無可忍之下立即解僱對方。


該名僱主日前在Facebook群組「外傭僱主必看新聞訊息」貼文,指剛剛辭退家中45歲外傭,直指對方工作9個月期間屢次犯錯,「溫馨提示」其他僱主以免中伏。僱主又以諷刺的語氣形容外傭「博炒」手法。包括以生肉當熟肉給只有歲半大的BB,僱主更上載一張對話截圖及「生肉照」,「無煲到情況下見到啲肉100%全生」,但對方卻回覆肉已熟透,令其非常震怒。


僱主又指外傭多次令BB受傷,甚至手指發炎,「多次冇睇住BB,令BB跌親撞到個頭」,「偷懶兩個月無抺玩具,搞到當時只有15個月嘅BB手指發炎,要做手術。」另外屋企白米亦消耗得極快,指外傭用飯碗量米,一個星期煮10公斤米,最終要她每日每日檢查飯量。


不少網民直言欣賞僱主容忍度,「嘩!真係欺人太甚!乜主人咁都忍得嘅?」「我唔明,點解咁都忍到,點可以放心交BB佢照顧?第一次發現有問題已經應該炒」、「扮傻,應該一早掃佢出門口。」


網民有話說:


Milky Mak:真係生肉嚟,好彩冇畀到BB食

Crystal Leung:生肉?如果佢夠食到一半,咪忍手唔炒佢囉!

Christina Ng:好過分!對BB差,仲整啲生豬肉畀BB,我一定忍唔到!明博炒!


※緊貼網民熱話,掌握最熱話題,請關注網民熱話fb:

http://on.fb.me/1L3m1ro

【更多即時新聞詳情請上東網新聞

你可能還想看