網民熱話:千奇百趣 公園點解清一式得13隻搖搖騎?

on.cc 東網

【on.cc東網專訊】有指是香港投訴文化,令公園遊樂設施愈來愈千篇一律,近日有人發現青衣一個近期翻新的公園再創新猷,遊樂場內只得同一款式但多達13隻的遊樂設施「搖搖騎」,雖然它們的顏色、外觀不盡相同,但有市民批評單一遊樂設施過於沉悶,質疑為何不趁翻新加設其他遊樂設施。


「大嘥鬼!點解唔加建瀡滑梯,鞦韆而要清一色13個搖搖馬呢?」有網民今日(17日)在Facebook群組「青衣街坊吹水會」張貼該個位於青衣長發邨公園的照片。圖中所見一個面積近半個籃球場大的公園上鋪上了軟墊,軟墊上「前七後六」排列共13隻搖搖騎。


雖然搖搖騎各有大象、獅子、飛機等不同造型。但就引起立法會議員鄭松泰批評其設計反智,公園有助小朋友互動,而一隻隻獨立的馬仔令小朋友自顧自地玩:「難以想像13個小朋友一齊搖馬仔的狀況。」


後來有該區居民指正鄭,指公園翻新前早已同樣有13隻搖搖騎存在,更屹立該處已逾廿年,並非一朝一夕的事:「因為之前一直都係咁。原本係金屬做嘅,因為日久失修搞到搖都搖唔郁,之後換晒呢啲。」


據知該公園屬房屋署管理,並於去年翻新,加上舊搖搖騎生銹失修,因此有關部門將舊有13隻的鐵製搖搖騎,換成新的塑膠遊樂設施。惟有網民批評,就算是舊有的鋪排,為何不趁機更換不同的遊玩設施,反而因循設置一模一樣的設施,令公園變得乏味。不過無論如何,這個公園搖搖騎的數量,相信輕易能成為香港最多搖搖騎的公園。


房屋署回覆東網表示,青衣海濱長廊近長發邨的13隻「搖搖騎」於2017年4月18日完成重置,重置費用約21萬港元。而13隻「搖搖騎」有多款不同造型,方便假日遊人較多時,孩童不需長時間輪候使用。


網民有話說


Thomas To:當小朋友一齊玩,就會有群體意識,有交流,從而認識及建立一啲小朋友之間嘅規則,團結,輪流玩,一齊對抗唔守規則嘅牛王小惡霸,全部都係日後對社會潛規則嘅初步認知確立嚟。


陸沛西:因為之前一直都係咁。原本係金屬做嘅,因為日久失修搞到搖都搖唔郁,之後換晒呢啲。


Katrina C. Summer:其實係太多怪獸家長投訴啲鞦韆,氹氹轉危險搞到佢哋啲小朋友受傷,所以先愈來愈少唔同設施。


※緊貼網民熱話,掌握最熱話題,請關注網民熱話fb:

http://on.fb.me/1L3m1ro

【更多即時新聞詳情請上東網新聞

你可能還想看