網民熱話:婆婆索錢睇醫生 拒絕女街坊陪診有古怪?

on.cc 東網

【on.cc東網專訊】香港地同情心何價?昨日 (25日)一名沙田街坊在街上遇見一個老婆婆,她稱自己腳腫想向事主借取2、30元看醫生,事主一番好意打算陪同婆婆到診所,豈料被婆婆多番婉拒,更稱:「你唔借畀我就算喇,我唔阻你喇!」令事主不禁懷疑阿婆未必是要錢看病。


Facebook專頁「沙田友」有美林邨女街坊表示,於昨日大約下午4時在美槐樓鐵橋附近,看見一名年約75歲、雙腳紅腫及駝背的老婦人。老婆婆上前向事主聲稱:「我兩隻腳都腫晒呀,我想去睇醫生」,向女街坊借取2、30港元,正當女街坊打算借錢之際,她忽然記起長者應有醫療券,而她又是診所職員,便提議陪婆婆一起看病。


就在此時,婆婆卻推說不看政府醫院,而當女街坊解釋她任職私人診所,婆婆便再推說要看中醫。當事主稱可陪她到可以用醫療券的中醫時,她又稱要到大圍看病,事主一番好意,再提議陪她出去看醫生,豈料婆婆不領情,反說:「唔要喇,你唔借畀我就算喇,我唔阻你喇,你去返工喇!」


後來事主詢問附近公園的人,有人稱婆婆連日來都在此向途人索錢。令事主不禁大嘆2、30元不是甚麼大錢,不是不願意伸出援手,而是擔心有人不是真的有需要,騙取他人的同情心,最後只會令社會愈來愈冷漠。


不少網民隨即分享自己遇見有人到處向人索錢的經歷,要錢原因除了看病,還有搭車、肚餓等,有時亦在同樣地方看見同一個人不斷向途人索錢,令人大感疑惑「都唔知幫唔幫好!」亦有網民同情老婦,指或者她有難言之隱,既然他們放下尊嚴向人索錢,何不慷慨就義?


網民有話說


Joyce Chui:我都試過在沙角村有個婆婆話好肚餓,可唔可以比$2、30去買個飯食,我回應,不如我去買比你啦!婆婆話老人家去買平啲㗎,我話同你去買啦!我驚你唔夠錢買飯食,後來婆婆有點不滿,唔畀錢咪唔畀囉,唔駛扮好心,最後有人走埋我身邊同我講,唔好比錢佢呀!佢成日問人攞錢㗎!


Pig Chu:唔會畀現金,唔係錢多與少嘅問題,我會同位小姐一樣,如果婆婆真係有難處,可以幫佢搵社工。


Iris Ho:我會俾,$20/$30不是問題,就算她騙我都係幾十蚊,老人家放低尊嚴問人攞錢都夠慘,如果幾十蚊幫到她或令她開心的,我當買個安心,可能她真係等錢用呢?


Maria Law:相信這位婆婆有難言之隱,老人家不想家醜外揚!


※緊貼網民熱話,掌握最熱話題,請關注網民熱話fb:

http://on.fb.me/1L3m1ro

【更多即時新聞詳情請上東網新聞

其他內容