網民熱話:當你病咗,老公會冷漠無情抑或貼身照顧?

親子王國 Baby-Kingdom.com

撰文:茄莉姨姨

【親子王國分享】

小病是福,當自己有小小病痛就知道身邊嘅人有幾關心自己。特別係女人仔,平時顧住頭家,得閒死唔得閒病,當真係唔好彩病咗,呢個時候就見真章,睇到個老公有幾關心自己喇!



有網民出Post,話生咗BB,老公唔同哂,自己已經病到死,老公都唔幫手湊女,仲要一句問候都無,自己出街!呢個Post引黎一班感同身受既太太們,講出老公有幾無情….不過亦有大量放閃回覆,睇返個情況,老公們面對老婆病嘅反應大致分咗幾個程度:



冷漠無情型
明知老婆唔舒服,一味識得鬧:「一定係你夜瞓所以病!」、「唔睇醫生會傳染仔女!」,有啲老公仲要俾啲懷疑說話老婆聽,要見到病到嘔先信…如果病咗仲要聽啲咁嘅說話,真係令人吐血!

 

齋問候型
有啲老公見老婆唔舒服,淨係識問候一聲「食藥啦~」,一切維持原狀,家務湊仔都係繼續由老婆負責。唉,病咗都要頂硬上!

 

貼身照顧型
「病咗食白粥都好好味!」放閃放到呢~食老公煲嘅粥,病咗都即刻好返啦!呢種老公見老婆唔舒服,處處表現關心,幫手湊仔唔會騷擾老婆休息,之餘仲要識煲粥咁叻仔,好返之後真係要錫返佢!

 

最後想講,女人就真係好易唔舒服,淨係每個月都有一兩日特別唔妥啦,好多網民就提醒返,如果你老公真係喺你唔舒服嘅時候不聞不問,要傾傾兩公婆之間嘅責任,唔好覺得由佢就算數。我就覺得踢波都要有後備啦,咁正選落唔到場,係唔係就要夾硬踢?雖然都明白老公們身為後備,照顧家頭細務未必係最好,但一定要畀佢哋了解返自己嘅責任!

入黎討論區一齊傾


即睇下一篇:BB止咳有法?首先細心聽佢哋點樣咳!

其他內容