網民熱話:過紅隧收西隧錢 疑似Uber司機呃錢錄音曝光

on.cc 東網

【on.cc東網專訊】Uber近期新聞不絕,日前社交網站流傳一段疑似Uber司機的語音對話,有人聲稱可透過關閉手機數據,便可行紅隧而收取西隧收費,呃取50港元隧道費差價。其行徑惹來網民狠批,認為「為幾十蚊乜都做得出」。Uber發言人強調,如乘客對車資有問題,可以透過應用程式內申請覆查車資。


有網民日前在Facebook上載一名疑是Uber司機的語音對話,相信正教授行家如何呃錢。由於Uber會在行車過程中透過GPS定位收集司機駕駛路線,該名疑似Uber司機聲稱,只要司機開車時關掉手機數據,便可行紅隧而索取西隧隧道費。「一早Set(設定)咗行西隧,未開車或啱啱開車就熄機熄數據…唔好中途開,因為中途開佢會detect(偵測)你行嗰條路線,就會知你行咗紅隧」。


該名司機提醒行家,要差不多到達目的地才可重新開機,「佢(系統)唔知你行邊條隧道,就會用番原本Set嗰條數計錢畀你。」至於如何對付乘客的投訴?他指,「如果個客咁醒投訴,Uber都要自己畀(差價)個客…我話我跟系統路線行,咁Uber都咬唔入,佢detect唔到你條路線」。以私家車收費計算,西隧收費70港元,而紅隧則是20港元,相差達50港元。


Uber回應東網查詢時表示,路線是以Uber應用程式內置的地圖規劃,並按照實際交通情況,為司機提供最快路線。若司機接單後關掉手機,該公司會以最後於司機手機收集到的GPS定位資料來判斷其駕駛路線。


網民有話說:


Sunny Hung:自己賤都夠衰,仲要教人衰上加衰。


Mior Lai:搞咁多嘢,實質佢呃到幾多錢?如果紅隧勁塞車呢?差成大半個鐘先到,都會畀個客鬧爆。


※緊貼網民熱話,掌握最熱話題,請關注網民熱話fb:

http://on.fb.me/1L3m1ro

【更多即時新聞詳情請上東網新聞

其他內容