網民熱話:鐵騎小乘客水桶當頭盔 網民:無知害人

on.cc 東網

【on.cc東網專訊】無論是電單車的駕駛者抑或乘客,佩戴合適的頭盔是基本的事。昨日(6日)有網民於大埔目擊一名電單車小乘客竟被「笠」上水桶,懷疑是當作頭盔之用,雖然場面惹笑,卻令人擔心小乘客的安全。


水桶當頭盔一幕於大埔墟寶鄉街上演,從網民上載網上的照片可見,駕駛電單車的鐵騎士佩戴黑色頭盔、雙手緊握把手,兩腳支撐地面,在交通燈前等候,後座所載着一名年僅6、7歲,身穿橙色短褲的小童,不過最搶眼莫過於小童被一個鮮藍色膠水桶套在頭上。


有網民直指鐵騎士讓小童「笠」水桶當頭盔做法無知,「有事起上嚟,第一個害死個小朋友!」但有網民指「得一張相唔代表咩!」,認為後座的男童乘客未必真的以水桶當頭盔,更不排除小童有可能戴上頭盔再被笠上水桶。


運輸署發言人表示,根據《道路交通(交通管制)規例》規定,電單車後座不能載乘不足8歲的乘客。違例者首次被定罪,最高可處罰款5000港元及監禁3個月;而電單車駕駛者和電單車後座乘客均須戴上認可防護頭盔,並繫緊頭上,違例者同樣可被罰款5000港元及監禁3個月。


網民有話說:


KaMan Ho Lam:其實係佢怕曬,應該有戴埋頭盔嘅?


Visa Wan:整多幾張牛肉乾畀佢食。


Olivia Ching Yee Yu:佢係咪買咗個水桶唔想用手攞咋?


※緊貼網民熱話,掌握最熱話題,請關注網民熱話fb:

http://on.fb.me/1L3m1ro

【更多即時新聞詳情請上東網新聞

其他內容