網民發現 男歌手懷疑暴動罪被捕

19+

 

接近半年嘅抗爭,已經有超過5千人被拘捕。

不論年齡、性別、職業,可能當中都有你認識嘅人。

尋日我地都寫過有連登仔懷疑自己阿爸係手足。

 

今日就有另一位連登巴打爆料,話有位歌手都被捕,

仲要控告佢暴動罪。

 

個post貼出法庭案件資料,其中一名被告,

係28歲音樂教師莊正。

而今年咁啱有位樂壇新人,亦係叫莊正。

而莊正嘅官方instagram帳號,早排就有個限時動態,

寫住「今年應該係我成世人經歷最多最精彩嘅一年……

28歲竟然連臭格都坐過」。

另一個應該係莊正嘅私人facebook戶口,

亦都有個帖文,承認「已經被人告咗暴動罪」。

而本來唱片公司為佢開嘅facebook專頁懷疑已經刪咗。

睇返資料,參加比賽入行嘅莊正,等咗5年先有機會正式出道。

喺簽咗唱片公司同出道期間,要做散工維持生計,

今年推出首支單曲《開放世界》。

 

原post傳送門

你可能還想看