網民話罷睇?《多功能老婆》首周收視仲好過《金宵大廈》

《多功能老婆》劇照
《多功能老婆》劇照

由楊千嬅、周柏豪、黃浩然、陳煒及朱晨麗主演嘅無綫台慶劇《多功能老婆》正在熱播中,而劇情亦越嚟越緊湊,繼「世紀賤男」尚劍雄(黃浩然飾)為咗事業,拋妻棄子同咗「超強小三」顏成功(于淼飾)一齊,唔少網民睇完都覺得劍雄好衰,兼去黃浩然社交網站留言鬧爆佢。劇情最新就講到浩田(周柏豪飾)同藍飛(楊千嬅飾)越行越近,榮Boss(黃錦燊飾)想浩田離開藍飛,所以就邀請咗Miss呂(戴祖儀飾)嚟屋企食飯,不過最終鬧交收場,搞到浩田決定從此自食其力。

《多功能老婆》劇照
《多功能老婆》劇照

楊千嬅及周柏豪分別喺微博貼文表現「愛國」立場,唔少網民都話要罷睇《多功能老婆》,不過劇集嘅收視似乎冇收到影響喎!喺最新出爐嘅收視報告中,劇集首周嘅「7天跨平台總收視點」都有25.2點,呢個成績喺今年就真係相當唔錯,雖然唔及《愛回家之開心速遞》(25.5點),不過比起早前熱爆嘅《金宵大廈》(24.7點)仲要高呀!

另外,黎耀祥有份主演嘅內地劇《鳳弈》,喺第二個星期嘅收視就依然未見起色,只有17.8點。

《金宵大廈》劇照
《金宵大廈》劇照
《鳳弈》劇照
《鳳弈》劇照