網民質疑《阿媽有咗第二個》台灣被冷待 台片商爆seed回應後道歉

阿媽有咗第二個
阿媽有咗第二個
網民質疑《阿媽有咗第二個》台灣被冷待 台片商爆seed回應
網民質疑《阿媽有咗第二個》台灣被冷待 台片商爆seed回應

由MIRROR成員姜濤、Jer(柳應廷)及毛舜筠主演嘅《阿媽有咗第二個》,喺香港票房突破3千萬,成績相當好!MIRROR海外fans眾多,《阿》喺美加以至台灣都有片商垂青,安排電影越洋放映。不過有網友就喺社交平台發聲,對於《阿媽有咗第二個》台灣放映安排表示「好傷心」,不滿喺台灣片名要改成《媽的星寵兒》,又嫌放映嘅戲院「只係得幾間又舊又臭又山卡啦」,更點名當地片商龍祥「真係唔識架喎」。

網民質疑《阿媽有咗第二個》台灣被冷待 台片商爆seed回應
網民質疑《阿媽有咗第二個》台灣被冷待 台片商爆seed回應

龍祥亦不甘示弱cap圖逐點回應,「你敢標我就回 1.香港片名台灣人看不懂 2.信義威秀是全台票房最高影城 3.我們若不識貨幹嘛浪費錢代理 / 你的一句話抹滅了幕後一堆人的辛苦,小編謝謝你!」。

網民質疑《阿媽有咗第二個》台灣被冷待 台片商爆seed回應
網民質疑《阿媽有咗第二個》台灣被冷待 台片商爆seed回應

電影主角之一姜濤嘅台灣fans應援團就出post補鑊感謝龍祥。唔少香港網友感到失禮而代為道歉,亦有人認為原post可能係反MIRROR嘅Hater故意挑釁,但呢個講法就被其他人反駁。亦有相信係台灣網友留言話「有夠丟臉」。

網民質疑《阿媽有咗第二個》台灣被冷待 台片商爆seed回應
網民質疑《阿媽有咗第二個》台灣被冷待 台片商爆seed回應
網民質疑《阿媽有咗第二個》台灣被冷待 台片商爆seed回應
網民質疑《阿媽有咗第二個》台灣被冷待 台片商爆seed回應

喺台灣發行《阿媽有咗第二個》嘅龍祥成立超過半世紀,規模十分龐大,由拍片、發行、經營戲院及有線電視電影頻道,可以話係一條龍服務,類似香港經營百老匯院線嘅安樂電影。而被指「又舊又臭又山卡啦」嘅信義威秀影城位於人流景點台北101附近,多年來舉辦過台北電影節同金馬影展放映活動。

到今日中午,龍祥再次就事件出post,並表示「昨日的發文造成各方的紛擾,在此跟大家說聲不好意思 / 龍祥也將繼續介紹更多優質香港電影給台灣觀眾」。

網民質疑《阿媽有咗第二個》台灣被冷待 台片商爆seed回應
網民質疑《阿媽有咗第二個》台灣被冷待 台片商爆seed回應

是日精選

面書fans專頁半荒廢 豬肉檔威威出道未夠2個月人氣插水?

MIRROR 紅館意外 阿 Mo 由危殆轉為嚴重

唱《天使》崩潰痛哭 周國賢已同老婆分開1年

楊丞琳自認廣東人 台灣網友氣炸了

網民質疑《阿媽有咗第二個》台灣被冷待 台片商爆seed回應後道歉

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!