網民齊選娛樂圈CP 你又覺得呢10對藝人襯唔襯?

·3 分鐘文章

近日有網民喺討論區搞咗個「一人一對永遠覺得佢地(哋)係一pair既(嘅)藝人」嘅PO,唔少網民都紛紛留言講出自己心目嘅人選,當中唔少經典熒幕情侶上榜,亦有啲係工作上嘅好拍檔,等我哋同大家一齊睇下其中嘅10對藝人啦!

洪永城 & 黃翠如
洪永城與黃翠如相識多年,一齊由有線轉到無綫,又一齊拍攝旅遊節目及劇集。二人互相陪伴對方多年,連網民幫佢啲寫咗篇「有一種友情叫洪永城黃翠如」講述二人關係。

洪永城 & 黃翠如
洪永城 & 黃翠如

方力申 &鄧麗欣
由熒幕情侶變成真實情侶,再做返朋友嘅鄧麗欣與方力申,好多網民覺得佢哋將來都會一齊返,係永遠嘅一對。

方力申 & 鄧麗欣
方力申 & 鄧麗欣

森美 & 小儀
由電台節目合作到電視遊戲節目嘅森美與小儀,二人喺節目上合作無間,有佢哋嘅節目都會帶俾觀眾歡樂。

小儀 & 森美
小儀 & 森美

阮兆祥 & 梅小惠
梅小惠與阮兆祥相識超過30年,一齊經歷高低起跌,當年小惠同拍拖13年嘅曾偉權分手,都係祥仔陪住小惠捱過。雖然祥仔有個拍拖多年嘅女朋友,不過佢曾經講過如果小惠50歲都未結婚就會娶佢,足以證明佢哋嘅感情真係好好。

梅小惠 & 阮兆祥
梅小惠 & 阮兆祥

肥媽 & 「6號」陸浩明
肥媽與「6號」陸浩明一齊主持飲食節目《食平啲》系列,喺節目中二人經常互串,肥媽又會喺節目打鬧陸浩明,好生動有趣。合作無間嘅佢哋,更喺15年正式上契。

肥媽 & 「6號」陸浩明
肥媽 & 「6號」陸浩明

張敬軒 & 王菀之
張敬軒與王菀之曾經係樂壇上嘅金童玉女,二人喺歌曲創作上合作無間,網民多次以為佢哋玩地下情,可惜王菀之而家已經成為人妻。

王菀之 & 張敬軒
王菀之 & 張敬軒

林峯 & 鍾嘉欣
喺經典劇《溏心風暴》及《溏心風暴之家好月圓》中扮演情侶嘅鍾嘉欣與林峯,無論外型同條件都好合襯,可惜二人始終冇一齊,而家更各自組織家庭。

鍾嘉欣 & 林峯
鍾嘉欣 & 林峯

黃宗澤 & 胡杏兒《我的野蠻奶奶》
黃宗澤與胡杏兒因拍攝劇集《我的野蠻奶奶》而擦出愛火花,胡杏兒更曾喺無綫頒獎禮台上向黃宗澤發表「愛的宣言」,可惜喺12年敵唔過「7年之癢」分手。胡杏兒而家已經成為兩子之母,黃宗澤就仲係緋聞女友不停轉。

胡杏兒 & 黃宗澤
胡杏兒 & 黃宗澤

劉德華 & 鄭秀文
劉德華與鄭秀文因多次合作拍電影,例如《孤男寡女》、《瘦身男女》及《龍鳳鬥》等等,二人已經成為觀眾心中嘅經典熒幕情侶。

鄭秀文 & 劉德華
鄭秀文 & 劉德華

吳卓羲 & 鄭欣宜
相信好多觀眾都仲好記得2005年《兒歌金曲頒獎典禮》,森林公主欣宜向王子吳卓羲獻吻,呢一幕更被嘲笑成「死亡之吻」。

鄭欣宜 & 吳卓羲
鄭欣宜 & 吳卓羲