【網絡熱話】日資公司好難頂?壽司郎員工做一日頂唔順即辭職:份工唔係人做

壽司郎主打平價壽司,又平又好食,進軍香港後隨即變成排隊熱店!不過近日就有一名自稱壽司郎員工在「香港壽司刺身關注組」發文,力數公司不僅對入職員工培訓不足,更要求員工在數小時內記好所有步驟,還受到「洗手考試」、「精神喊話」的壓迫,因此第一日返工已經見到入職的同事唔做,而他亦即日辭職。帖文一出引來大批網民留言,指「呢個就係日本人工作嘅特色」、「唔覺間公司要求好過分」,同時亦有網民指飲食業一向也是又忙又要求高、「飲食業的確係較辛苦、想舒服去做寫字樓」,意見兩極。

壽司郎員工即日辭職 罪狀1:成日要洗手+大聲講嘢

事主指出壽司郎的兩大罪狀!包括要不停講日文,去到公司門口要講、洗手要講、洗完手做精神確認要講:「我第一日洗了20分鐘手」不過,就有網友反擊:「做飲食業對衛生有要求有咩問題?日資公司有啲日文口號為工作打氣好平常?樓主無睇過日劇?」有傳媒曾到壽司郎當實習員工,每次洗手都非常仔細,由手指罅搓到手腕,期間不準聊天,更要由同事監察,一邊洗手一邊叫一二三四,洗完手才換制服,之後要再正式洗手才可以工作。有網民指知道壽司郎的衛生情況良好非常加分,「睇完覺得客人可以安心食」。

壽司郎員工即日辭職 罪狀2:一腳踢忙到飛起

事主又指,返工要讀出「精神喊話」,指每次說話都要大聲叫,唔夠材料要大聲講,每30分鐘要清潔,清潔完又好大聲講。要大聲說話之外,仲超多嘢要記,「啲嘢點整點放,要你係2至3個鐘內記好佢,之後就得你一個人做,一腳踢忙到飛起!」

有網民表示「日本人做事認真,要求高,所以規矩多,呢樣亦係令到佢哋成功嘅其中一個因素」、「適應同能力問題,當磨練下自己」、「已經唔算嚴,係日本嘅壽司郎返工更加嚴,香港叫減量版」,同時亦有網民指自己曾做過壽司郎,「對食客嚟講就好好,好衛生,對員工嚟講,真係要諗清楚先,淨係洗手同去廁所好麻煩」

雖然做日本公司規矩多多,仲有好多日系文化要適應,例如飲食業就要大叫歡迎光臨同講拜拜,但亦因如此,客人去日本餐廳都有賓至如歸的親切感。不過飲食業工時長人工又低,下次幫襯壽司郎時不妨以禮相待,給員工一個笑容作打氣吧!

更多相關文章:

阿嬌上戀愛真人騷 分享自身經歷變愛情軍師 另一節目卻被指講嘢太直接!

徐睿知醜聞後復出!關於她的8件事全是黑歷史?整容傳聞、控制狂對前男友金正賢、拍酒駕戲險害金材昱

港鐵驚現瑜珈褲男子! 網民:男人著瑜珈褲就變態,女人著就性感?


Follow she.com on Facebook & Instagram