網路熱傳三峽水怪現真身 原來係咁!
唔止尼斯湖水怪,長江三峽都有水怪!
近期內地網路熱傳,湖北宜昌一段嘅三峽有水怪,
有專家估係大魚或者巨蛇,亦有人估係垃圾袋……
不過大江南北乜都有,如果真係龐然巨物點算?
真相往往要勇者揭開,安徽省池州市長江汽車輪渡管理嘅周所長帶埋工作人員,
就親自出馬進行打撈!
結果佢地成功捕捉到「水怪」,
拖上岸之後一睇……原來只係一條長約20米嘅橡膠氣囊造,
估計係由長江上游嘅船廠棄置之後,
喺水面載浮載沉,變成「水怪」!
有網友就覺得太快散場,冇花生食;
有人就認為本來呢件事可以成為商機,將現場變成園區,收幾十蚊門票,發達啦~
咦,諗返轉頭,莫非尼斯湖水怪,唔揭穿係有商業考慮?