練瑜伽拉長線條 鄺潔楹倒豎葱Relax

東方日報
·1 分鐘文章
鄺潔楹花了個半月時間練習倒豎葱,成功後很有滿足感。
鄺潔楹花了個半月時間練習倒豎葱,成功後很有滿足感。

藝人鄺潔楹(Judy)在美國求學時是活躍分子,曾參加校內的田徑隊及籃球隊,雙腿肌肉較為發達,故開始學瑜伽,希望拉長身體線條,她說:「最開始係想伸展吓,拉長個人,如果有1、2厘米增長已經係Bonus。入行後成日要上鏡,如果線條長啲,身形比例會好睇少少,所以呢2年玩密咗,覺得健康之外,仲係好好嘅沉澱方法。」

在眾多瑜伽動作中,她最喜歡倒豎葱,笑指起初看見別人練習時,已覺得難度十分高,而她花了個半月才做到:「呢個動作係對自己一種堅持訓練,因為個人倒轉,會有放鬆嘅感覺。瑜伽仲幫到我瘦身添!有啲動作練腹肌好勁,用到核心肌肉,又要重複做同Hold住,所以女士們唔使擔心會變大隻!」

除了運動,Judy亦嚴控飲食,3年前開始自製蔬菜汁:「每朝早我會用羽衣甘藍、菠菜、菠蘿同香蕉榨汁,有時就菠蘿加椰子水,呢個係幾好嘅清宿便方法,仲有我1年前冇再食牛,好多朋友都讚我皮膚有光澤咗。」