練美娟爆MIRROR秘密!原來Edan最鹹濕?一個原因落閘拒絕同ERROR肥仔發展

·2 分鐘文章

憑ViuTV電視劇《大叔的愛》成功彈起的「娟姐」練美娟,早前上了網台節目《月傾會》任嘉賓,在主持人林柏希(William)不停追問,加邊玩遊戲邊傾計下,娟姐不停爆料話自己偏好大叔型,仲大爆《大叔的愛》的MIRROR成員中,Edan(呂爵安)、Anson Lo(盧瀚霆)同Stanley(邱士縉)的秘密!

練美娟爆Mirror三子秘密
練美娟爆Mirror三子秘密

娟姐大爆MIRROR秘密

練美娟不時與人氣偶像MIRROR成員合作,又一齊拍過劇,當然有料爆!主持林柏希問拍攝《大叔的愛》時Edan、Anson Lo同Stanley三個,邊個最孤寒、最小器同最多女冧?娟姐話:「最多女冧一定係Anson Lo,無論青春少艾定已婚人妻都鍾意佢,你知唔知連我表姨媽都好鍾意佢!」

練美娟爆Mirror秘密!一個原因落閘拒絕同Error肥仔發展
練美娟爆Mirror秘密!一個原因落閘拒絕同Error肥仔發展

至於最小器,原來係Stanley:「我可以講係Stanley,可能我同佢熟,佢成日都會對我小器囉!例如有嘢冇預佢,佢會話『又冇預我,娟姐』,不過我相信係因為佢同我熟,先會咁樣同我玩!」

練美娟爆Mirror秘密!一個原因落閘拒絕同Error肥仔發展
練美娟爆Mirror秘密!一個原因落閘拒絕同Error肥仔發展


不過,最孤寒娟姐就諗唔到人選,反而諗到邊個最鹹濕!「我覺得Edan最鹹濕!因為佢血氣方剛,我成日見到佢睇女仔嘅IG!我唔敢講咁樣係鹹濕,但係佢對異性係最有興趣!唔係鹹濕,但係成日睇女囉!」

練美娟爆Mirror秘密!一個原因落閘拒絕同Error肥仔發展
練美娟爆Mirror秘密!一個原因落閘拒絕同Error肥仔發展

落閘拒絕同ERROR肥仔發展

七師傅曾爆料,ERROR肥仔同音樂人伍仲衡都鍾情娟姐,如果二選一,娟姐又會點揀?估唔到娟姐直接落閘拒絕肥仔:「我只能夠講肥仔真係唔啱!我真係介意另一半矮過我!」

練美娟爆Mirror三子秘密
練美娟爆Mirror三子秘密

至於音樂人伍仲衡,娟姐就話有同佢交換電話,有講過約食飯,但因為大家都忙所以一直未約到。

練美娟爆Mirror三子秘密
練美娟爆Mirror三子秘密

單身4年偏愛大叔 最欣賞黃德斌

目前31歲的娟姐單身4年,問到其擇偶條件,她直言偏愛成熟型,喜歡大叔:「我諗我偏向成熟啲,小鮮肉嗰啲我一般!」林柏希直接問娟姐,如果有一個配對節目,有黃德斌、許紹雄同鄧健泓三個圈中男星會點揀,娟姐就話一定會揀黃德斌。就算用古天樂同黃德斌比,仍然心儀黃德斌。

練美娟爆Mirror三子秘密
練美娟爆Mirror三子秘密

想知娟姐仲有咩爆?即刻去片睇>>>

更多相關文章:

MIRROR三周年|鏡粉九展氣球應援 12子答謝粉絲支持 Anson Lo:承諾用200%努力做好每樣工作

【全民造星IV】16歲妹妹趕住入行vs女團生還者無限復活

鏡粉必知MIRROR成員懶人包:舊英文名、代表色、身高大公開!MIRROR三周年出新團歌《ALL IN ONE》


Follow she.com on Facebook & Instagram

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能