總統都被屈!克羅地亞美女總統被誤當艷星

通常世界盃都係紅球星,今屆就紅咗個女人:克羅地亞美女總統,網上更瘋傳佢嘅「性感泳裝照」。   克羅地亞女總統加芭姬達洛娃喺今屆世界盃十分搶鏡, 打破以往搶鏡女性係「太太團」成員嘅常規。

呢位女總統十分貼地,著國家隊波衫比賽, 又坐經濟艙飛去俄國,親民地喺機上同普通市民大合照, 更加走到入克羅地亞球員更衣室一同慶祝, 呢啲行為都贏得各地球迷歡心!

除咗親民行徑,加芭姬達洛娃仲出名係「美女總統」, 網上更瘋傳佢嘅「性感泳裝照」, 身材好辣喎!

不過睇真啲,呢個唔係總統嚟! 而係美國艷星Coco Austin

被大家誤會咗啦! 點解會咁架?唔通係「怪你過份美麗?」   Any肥,克羅地亞今屆雖然屈居亞軍, 但係不論場內場外都贏咗咁多掌聲同目光, 都係一個唔錯嘅結果呀!