繼續惹火!林作晒甲組腳宣布接受鍾培生挑戰

·1 分鐘文章
繼續惹火!林作晒甲組腳宣布接受鍾培生挑戰
繼續惹火!林作晒甲組腳宣布接受鍾培生挑戰

麥明詩舊愛林作辣着「百億富三代」鍾培生,引發一場百萬搏擊擂台賽,鍾培生表明已定好合約,只欠林作動筆,而今日林作亦正式宣布答應出戰,佢喺社交網晒出着上一身唐裝嘅照片,見佢拉開衩位騷出甲組腳,雙手緊握做出「敬禮」姿勢,似乎鬥志旺盛,佢留言:「各位,本人正式宣佈(布):我接受挑戰。詳細資料需要和鍾生夾下,請大家稍候。我從未龜縮過。我係林作。打殘鍾培生計劃,由今日開始。」而鍾培生亦火爆回覆指:「Sign the fxxking contract , no bullsxxt, let's go.(快簽合約,廢話免講。)」

對於林作曾將其姓氏「鍾」打成「鐘」,鍾培生豪言:「我會打到你記得我個鍾字點寫」,又揚言:「我從來唔打女人,你將會係第一個。」充滿火藥味。

而林作則重提去年鍾培生的名車座駕慘被P牌車撼爛,笑指:「今年,鍾生將被P牌第二次KO,終於賠上生命。」意指自己這個新手能擊倒對方。

鍾培生叫佢快啲簽約!
鍾培生叫佢快啲簽約!