羅天宇遭生剝求饒 龔嘉欣:乜都睇晒

東方日報
·1 分鐘文章
羅天宇配合角色設定,輕吻龔嘉欣,認真Sweet!
羅天宇配合角色設定,輕吻龔嘉欣,認真Sweet!

藝人羅天宇於新劇表現大膽,但昨日宣傳被拍檔龔嘉欣要求除衫時卻相當扭擰,最後更跪地求饒,場面爆笑。

龔嘉欣、羅天宇、蔣家旻、游嘉欣等昨日出席無綫劇集《香港愛情故事》宣傳,為配合劇中角色,天宇被要求當眾向嘉欣示愛,沒料被對方要求除衫,同場的林景程即上前幫拖,結果他除下大褸後即跪地求饒,十分搞笑。

事後兩位主角受訪,對於劇集口碑好表示沒有預計過,相當開心,天宇談到於下月頒獎禮分別有視帝、飛躍及喜愛角色3個獎項提名,不諱言感覺如發夢:「唔敢諗太多,但對自己嚟講係一個肯定。(拉票?)媽咪日日Send條Link畀人,叫佢哋入去見我個名就撳。」

添食齊叫好

對於劇集有機會開拍第2季,他們同聲叫好,嘉欣更興奮地說:「好想,因為成個團隊好開心,但我唔想再有嗰啲(親熱)場口,要零床戲。」更爆笑說:「乜都睇勻晒,厭咗,我唔要天宇喇!(咁抗拒?)講笑,其實佢之前都介懷,因為角色本身唔係佢,但我覺得選角係啱嘅,第2輯都一定預佢,非佢莫屬。」天宇則坦言早幾日才知道原來是執二攤,但沒有想太多,認為已盡力演好角色。而游嘉欣對於被指是湯洛雯接班人,笑言擔當不起,會視對方為學習對象。

龔嘉欣與林景程夾手夾腳要羅天宇除衫,場面搞笑。
龔嘉欣與林景程夾手夾腳要羅天宇除衫,場面搞笑。