羅孝勇娶模媽 雷怡暉出嫁 莫文蔚到賀

東方日報
·1 分鐘文章
羅孝勇宣布已婚,並晒全家福。
羅孝勇宣布已婚,並晒全家福。

巨聲幫出身的羅孝勇今年10月與拍拖4年的模媽王丹妮入紙申請註冊結婚,與繼女相處愉快的他昨日在社交網上載「全家福」溫馨合照,趁聖誕節以「羅家」名義向大家送祝福,公開宣布婚訊。他說:「因疫情關係,較早時間簡單喺律師樓簽咗字。」他表示與太太開心在人生旅程中找到對方,攜手互相支持、學習,並一齊繼續為家庭努力:「之前我哋一直比較低調,直至覺得結咗婚關係成熟,咁啱又聖誕,所以放閃一下。」

此外,名媛雷怡暉昨日下嫁男友陳一昇,並計劃明年才擺酒。簽字註冊前受訪的她,流露興奮心情說:「今日不停笑,6點起身笑到依家,好開心。」疫情下嘉賓人數有所限制,唯一獲邀的星級嘉賓只有莫文蔚,新娘子說:「佢係我最好、由3歲識到依家嘅好朋友、好姊妹。」

為確保安全,她3日前及前日各做一次病毒檢測,並說:「爹哋趕及由澳洲返港,連同隔離時間啱啱好,但媽咪因為澳洲籍難申請,嚟唔到,我拎住手機同佢網上合照,兩個細佬同姪仔姪女喺上海,所以今日係用科技連繫大家,係個與別不同嘅婚禮。」而早前她戴上英皇珠寶楊諾思設計的鑽石頸鏈拍攝婚照,溫馨又唯美。

雷怡暉戴上瑰麗鑽石頸鏈,與陳一昇拍攝婚照。
雷怡暉戴上瑰麗鑽石頸鏈,與陳一昇拍攝婚照。
莫文蔚到賀好友雷怡暉。
莫文蔚到賀好友雷怡暉。