羅志祥周揚青復合?3大「關鍵證據」疑轉地下情

·2 分鐘文章
羅志祥周揚青復合?3大「關鍵證據」疑轉地下情
羅志祥周揚青復合?3大「關鍵證據」疑轉地下情

台灣舞王羅志祥(小豬)去年4月被周揚青毀滅式分手,咩多人運動、偷食等淫亂史大家都仲言猶在耳,點知近日就有網友發現小豬同周揚青疑似復合,更列出「關鍵證據」力指2人轉玩地下情,震盪網友大腦!

網友搵到嘅蛛絲馬跡當中,其中一樣就係早前周揚青參加大陸綜藝節目《潮流合夥人2》時,歐陽娜娜送卡通公仔畀其他嘉賓,周揚青一眼就睇中一隻粉紅色豬仔,不禁令人聯想係小豬「愛的替身」,歐陽娜娜當時仲話:「我就知道你會選這隻豬。」周揚青聽完即刻怕醜偷笑,網友即揣測分分鐘歐陽娜娜都係知情人之一。

周揚青(前排中)拎住隻粉紅色豬仔。
周揚青(前排中)拎住隻粉紅色豬仔。
其他人個個都有唔同卡通,不過佢就係自己揀小豬。
其他人個個都有唔同卡通,不過佢就係自己揀小豬。
完全冇放開過手…
完全冇放開過手…

而前日(21日),周揚青同社交網小號發文:「希望今天做出的決定,在未來永不後悔。」有網友就問佢幾時會布,佢表示:「過兩個月吧!」唔少網友就估佢係咪拍拖,點知同一日,小豬竟然發文表示:「下定決定要做一件事,就要努力去做。」雖然配圖係佢量緊體重,但兩人發文時間點同內容均引起唔少揣測,有網友推測周揚青同羅志祥復合。

周揚青前日發文話有個唔會後悔嘅決定!
周揚青前日發文話有個唔會後悔嘅決定!
點知小豬同一日都發文講「下定決定」,媽呀~
點知小豬同一日都發文講「下定決定」,媽呀~

再加上身為內地人嘅周揚青,曾透露係為咗同小豬拍拖而學繁體字,不過佢分手後被發現繼續使用繁體字,即被指雙方仲有聯絡,不過當時佢解釋係因為同台灣朋友Chat,一時未切換過嚟喎。