雅虎香港新聞【美食博覽2019】$1優惠全攻略！任攞鮑魚花膠+原粒黑松露+榴槤月餅
一年一度的美食博覽會又到！除了有不少新奇有趣貨品推出，亦是大手購入平貨的時候，但大家每年最關心的，當然是「一蚊雞」系列！到底一蚊可以做到啲乜？
【立即讚好】全新 Yahoo Food Facebook 專頁
$1海味系列
本身$1購物，已經可以說是「抵到冇人有」，但講到最抵，還是海味！
1.安記海味：名額10個 $1參加一蚊「扒」花膠扒！
每年安記海味都會搞搞新意思，今年就推出一蚊「扒」花膠扒！在美食博覽會首日（8月15日），攤位將準備價值$80,000，100斤花膠，放在2米長的花膠池中。而頭十位購票入場的公眾人士，即可參加一蚊「扒」花膠扒活動！十位參賽者會分為兩隊，每隊派兩人參賽，一人登上安記金船，負責用船槳扒出花膠，另一位則負責接花膠，成績將會以袋中花膠重量為準。每隊除了可以獲得相等重量的花膠，袋中花膠重量較重的一隊更能每人獲得一斤挪威花膠！
安記海味
攤位：1C-A10
參加條件：開幕首日（8月15日），頭十位購票入場公眾人士。
2.華泰海產：$1任夾鮑魚罐頭
$1系列又怎少得鮑魚呢？在開幕首日（8月15日）早上10時，首5名到達華泰海產攤位的公眾人士，用一蚊就可以在15秒內任夾鮑魚罐頭產品，包括最受歡迎的迷你4隻裝包括（價值$38/罐）及紐西蘭野生鮑魚（價值$599/罐）等！
華泰海產
攤位：1E-E02
參加條件：開幕首日（8月15日），首五名到達攤位。
$1月餅系列
還不到兩個月，中秋節就到，不少市民都會在美食博覽購買月餅，今年繼續有1蚊奶黃月餅和榴槤月餅！
3.醉榴香：食得最多流心榴槤冰皮月餅 獲一世免費食貓山皇月餅！
正宗的榴槤月餅不算平，平平地都幾百蚊，如果跟你說可以一世免費食貓山皇榴槤月餅呢？在美食博覽首日頭三位以$1玩「一口一榴心」遊戲，即90秒內食一口榴心月餅，即可獲得醉榴槤福袋一個外，而吃得最多的一位，更獲一世免費食貓山皇月餅（價值$858/盒），以八十年計，總值$68,640！
醉榴香
攤位：1D-C02
參加條件：開幕首日（8月15日），首三名參加者報名參加「一口一榴心」遊戲。
4.鴻星：50盒$1流心奶黃月餅！
流心月餅向來都是不少人最愛，在美食博覽首日，鴻星推出$1大優惠，市民可以$1優惠價換購「雙星盈月流心月餅」（價值$268/盒），限量50盒，包括流心奶黃月餅4個及流心朱古力月餅4個，與家人朋友分享就最好不過。
鴻星食品
攤位：1C-D10
參加條件：限量50盒，可以$1優惠價換購「雙星盈月流心月餅」。
相關文章
【月餅2019】65歲奶黃月餅始創人重出江湖！再創稀少糖月餅 減肥都食得？
【月餅2019】榴槤月餅大合集！貓山王之外仲有D24同貓山后？
$1黑松露系列
講到最矜貴的外國美食，不少人立即都會諗到黑松露，黑松露變化甚多，今次就看看店家們推出甚麼一蚊黑松露吧！
5.DOLCE DOLCE：「松露女王」精選1蚊黑松露！
你無聽錯，的確是$1買松露！有「松露女王」之稱的Esther Au，將會在美食博覽以$1出售原粒黑松露，每日限量10粒！攤位還有「鮮刨松露雪糕」跟「份子料理慢煮溫泉蛋伴松露荷蘭汁」，愛吃松露的就不要錯過！
DOLCE DOLCE
攤位：3B-C08
參加條件：每天限量十粒，賣完即止。
6.義生洋行：$1包意大利天然松露薯片
黑松露薯片不罕見，但今次的黑松露薯片是從意大利直送，品牌「樂其雅牌」更是生產松露產品的主要生產商之一，質素有保證！黑松露薯片原價$50，每天以$1發售，限量20包，賣完即止！
義生洋行
攤位：3B-C14
參加條件：每天限量20包，賣完即止。
7.四海魚蛋：黑松露 X 魚套裝
四海魚蛋雖然是老字號，但絕對跟得上潮流，推出多款松露食品。在美食博覽期間，頭10位顧客即可以$1優惠價購買福袋，入面包括有黑松露魚皮餃、黑松露包心魚丸和黑松露魚皮！
四海魚蛋
攤位：1A-E28
參加條件：每日排隊的頭10位顧客。
相關文章
【放題2019】最強放題推介5間！任食1++韓牛+無限Mövenpick/Häagen-Dazs雪糕
【尖沙咀雪糕】特色雪糕合集！米芝蓮推介Gelato+流心雪糕泡芙+CREMIA榴槤味
其他$1優惠
優惠一浪接一浪，無論是煮的、飲的跟食的，一一都有！
8.歐洲食品公司：$1任你擸！西班牙蜜糖+法國薄脆+松露醬
這個遊戲完全單靠你雙手！歐洲食品公司限定每日最早排隊的頭5名入場人士，即可帶着特大手套，在十秒中放置了幾十款產品的大箱中任擸，入面包括法國金樂絲薄脆、西班牙愛比素蜜糖、意大利馬素尼松露醬等等！同時只要購買任何產品，亦可以$1換購小王子B612星球雜錦餅乾特別版禮罐一盒（價值$168/盒），每日限量100件。
歐洲食品公司
攤位：1B-C10
參加條件：每日最早排隊的頭10位顧客。
9.御茶社：$1啜晒冷山茶王！
不少人都鍾意飲茶，在15/8-18/8，早上11時起首4名到攤位的顧客，可以$1參加「1蚊盡情啜啜啜」！二人同時進行，30秒為限，透過膠管「啜」烏龍茶，每10毫升即可攞走支1支500毫升茶，「啜」得最多者即可額外抱走1箱24支的茶，即有機會攞走70支茶！
嘉心思亞洲有限公司
攤位：1B-C27
參加條件：11點首4名到攤位
10.Rankingdak：韓國超健康雞肉 金鐘國、Haha都讚好！
「1蚊雞」就聽得多，但估唔到真的有1蚊雞！韓國品牌Rankingdak推出的急凍雞肉，叫好叫座，卡路里低，非常適合減肥人士。而在15/8、16/8、17/8 三日，每日限定5位，即可以$1購買30件 Loveeat Soft 嫩滑雞胸（總值$900）！
Rankingdak
攤位： 1A-E20
參加條件：每日限定5位。
11.冠華：1手任攞冠冠滋味包
為了慶祝冠華食品成立60周年，品牌推出滋味山挑戰，首60位市民可以以$1參加，用單手在滋味山拿取滋味包，每次限時2秒，滋味包有七款口味，包括川貝舊陳皮、合桃仁、陳醋麻辣花生等。
冠華食品
攤位： 1C-D24
參加條件：每日限定60位。
12.大埔振興：$1都唔洗 任你掃丸
喜歡打邊爐的話，一定吃過振興的肉丸！今次它們更推出「一蚊都唔洗，10秒任你送」，15/8-18/8，每日限定30位，即可在十秒中將各款丸放進袋中，而且$1都不用比，可謂全場最抵！
大埔振興
攤位： 1A-D07＆D09
參加條件：15/8-18/8，每天限定30位。
【有好東西分享？】立即去Yahoo Food Facebook 專頁投稿/片
相關文章
【長沙灣美食】打卡文青Café推介5間！純素蛋糕+柴犬咖啡+玫瑰千層蛋糕
【大角咀美食】Lunch午餐推介5間：咖哩牛坑腩麵+即包山東墨魚餃+迷你麻辣香鍋
【湯水外賣】住家老火靚湯5間推介！土瓜灣足料老火湯+楊明高質燉湯+原個椰子燉湯
文：Tung
