美麗的夜跨年演唱會及聲夢元旦演唱會門券黃牛大劈價 最平$150就有得睇?

·2 分鐘文章
跨年演唱會黃牛劈價
「2021美麗的夜香港跨年演唱會」及「聲夢維港Party Together 演唱會2022」門券黃牛劈價

聽日就係除夕夜,唔知大家安排咗啲咩活動同親朋戚友迎接2022年呢?今年香港都有多個跨年倒數演唱會,除咗MIRROR有份演出嘅「香港跨年倒數演唱會」,仲有「2021美麗的夜香港跨年演唱會」。而2022年元旦日仲有「聲夢維港Party Together 演唱會2022」,不過網上有消息指呢兩個演唱會黃牛炒不起不特止,仲要劈價求售。

「2021美麗的夜香港跨年演唱會」有多位樂壇紅星坐鎮,表演歌手包括林子祥 、李克勤 、周慧敏、杜德偉 、任賢齊、草蜢、HANA 菊梓喬、泳兒、Supper Moment、Mike 曾比特、及Jace 陳凱詠,仲有郭富城擔任壓軸表演嘉賓。而「聲夢維港Party Together 演唱會2022」表演歌手包括菊梓喬(HANA)、吳若希、 JW王灝兒、胡鴻鈞 、吳業坤、鄭俊弘、譚嘉儀、 谷婭溦、林穎彤、謝東閔、戴祖儀、涂毓麟(Oscar) 、施匡翹 、伍富橋及《聲夢傳奇》學員炎明熹(Gigi)、姚焯菲(Chantel)、鍾柔美(Yumi)、冼靖峰(Archie)、 何晉樂(Rock)、文凱婷(Aeren)、林君蓮(Kaitlyn)、林智樂(Felix)、詹天文(Windy)、張馳豪(Aska)、潘靜文(Sherman)、孫漢霖(火雞)、林沚羿(Venus)、蔡愷穎(Lolita)。

雖然兩個演唱會都有唔少樂壇紅星坐鎮,不過網上有消息指呢兩個演唱會黃牛炒不起不特止,仲要劈價求售,「2021美麗的夜香港跨年演唱會」$1280及$980嘅門券已經劈價至$450及$350,而「聲夢維港Party Together 演唱會2022」$980、$780及$580嘅門券已經劈價至$300、$200及$150,價錢變得非常親民。

2021美麗的夜香港跨年演唱會
2021美麗的夜香港跨年演唱會
聲夢維港Party Together 演唱會2022
聲夢維港Party Together 演唱會2022

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能