【習慣發現】為什麼見到姜濤會尖叫?

好集慣
·2 分鐘文章

其實連科學家都喺度研究緊,早在上世紀60年代就一個叫 “Beatlemania”的現象!
未聽過?睇清楚你就會明白:
當時嘅後生仔一見到 John Lennon 見到 Paul McCarney 見到Beatles 出場便會 high 咗咁𠲖嘩鬼叫,於是有咗一個叫“Beatlemania”的專有名詞!
終於呢,近年有科學家提出見解,也可以解釋點解今日嘅你哋見到姜濤會嗌。

據說姜B張卡現在炒到$300

大叫是一種動物性

Harold Gouzoules 是美國 Emory University(艾默理大學)的心理學系教授,喺美國《Psychology Today》網站專欄《Our Natural History》講嘅 (我係睇佢學習的),人類同動物其實一樣㗎啫,會以尖叫來表達和宣洩情緒。而對於不同叫聲 —— 羊咩咩叫、青蛙叫和大猩猩叫,你都會覺得那是一種「叫聲」(recognize a scream as a scream)。

但教授發現唯一不同嘅係,人類的尖叫會多上一重喜悅,好似小朋友咁,開心興奮就會大叫。亦都有兒童心理學家研究,小朋友大叫一方面是由於言語能力問題,也因為想得到注意;換句話說,如果你是「姜糖」,見到姜濤會嗌是因為當時你已經興奮到好似個細路咁,哪管你已經三、四十歲(甚至更成熟),當下一樣變回小孩。如果你唔是姜糖,你都要明白呢種係動物與生俱來的本能,請不要(過分)側目佢哋。

如果你見到有女士見到姜B時尖叫,你要明白呢種係動物與生俱來的本能,請不要(過分)側目佢哋。

然而,叫聲是會傳染的,人叫你又叫

Kindly reminded 你仲有樣嘢:叫聲是會傳染的,人叫你又叫,就算明明你是怕醜的,但在當時的環境人人都在叫,你不期然會受到現場氣氛所感染叫埋一份。而呢個都係動物界常見的現象。
不過你有無發現,女fans係特別興奮?咦,教授當然都有察覺啦:為什麼好像是女fans 叫聲大一點?不論是 Justin Bieber 或 Taylor Swift ,都好似女生叫得比男生瘋狂一點。教授於是引用作家Rachel Simmons的假設和見解:“Look at me !” 原來好多女仔在偶像面前會像小孩一樣除了是為表達興奮,亦都係想引起注意。試想像,如果你見到姜濤尖叫,而姜濤同你眼神接觸回眸一笑,開心到發夢都會笑出來啦!

撰文:Hang
圖片來源:@laisillustration (Cover Illustration)、keung_show@IG